English | عربی | Kurdî دواهەواڵ
ڕاستەوخۆ  
 
بەیار فایەق: لەدیوانی پارێزگای هەولێر کۆبوونەوەیەکی تایبەت سەبارەت بە بازاڕی سیمی هەولێر ئەنجامدرا
2020-09-16 [10:06 AM]

ZNA- هەولێر


بەیار فایەق، بەرێوبەری راگەیاندنی پارێزگای هەولێر بەئاژانسی هەواڵی زاگرۆسی راگەیاند:  ئەمڕۆ چوارشەمە ۱٦ـی ۹ـی ۲۰۲۰، بەسەرپەرشتی دکتۆر فەرسەت سۆفی پارێزگاری هەولێر، هاوڕێ لەگەڵ ساسان عەونی وەزیری شارەوانی و گەشت و گوزاری حکومەتی هەرێمی کوردستان، بەئامادەبوونی مەسعود کاڕەش جێگری پارێزگار و نەبەز عەبدولحەمید قایمقامی ناوەند و بەڕێوەبەری گشتی شارەوانییەکان و بەڕێوەبەری نەخشەدانانی سەرۆکایەتی شارەوانی و بەڕیوەبەری شارەوانی شەش و نوێنەری ئەنجومەنی کاسبکارانی بازاڕی سیمی شاری هەولێر و ژمارەیەکی دیکە لە ئەندازیاران، لەدیوانی پارێزگا، کۆبوونەوەیەکی تایبەت سەبارەت بەشوێنی تازەی بازاڕەکە و نەخشە و دیزاین و ئەو ئامادەکاریانەی بۆ گواستنەوەی بازاڕی سیم کراوە ئەنجامدرا.

 

بەیار فایەق گووتی: لەکۆبوونەوەکەدا دوای نیشاندانی نەخشەی دابەشکاری ئەو شوێنە نوێیەی دەستنیشانکراوە بۆ بازاڕەکە و دیزانی چۆنیەتی دروستکردنی دوکانەکانی بازاڕەکە بەداتاشۆ بۆ ئامادەبووانی کۆبوونەوە، گفتوگۆ لەبارەی وردەکاری چۆنیەتی هەنگاوە کردارییەکانی دەسپێکردنی دروستکردنی بازاڕەکە و گەیاندنی خزمەتگوزارییە پێویستیەکانی بازاڕەکە کرا.

 

هەروەها بەیار فایەق بەرێوبەری راگەیاندی پارێزگای هەولێرئەوەشی بۆ،ئاژانسی هەواڵی زاگرۆس خستەروو گووتی: لەلایەن خۆیەوە پارێزگاری هەولێر، سوپاسی بەڕێز وەزیری شارەوانی و وەزارەتی شارەوانی کرد کە بەردەوام هاوکار و هەماهەنگی پارێزگای هەولێر بووە بەتایبەتی لە پرسی بازاڕی سیم، هەروەها دەستخۆشی لە تیمی سەرۆکایەتی شارەوانی هەولێر و ئەندازیاران کرد کە بەماوەیەکی کورت توانیویانە نەخشە و دیزایەنی بازاڕەکە ئامادەبکەن، پارێزگاری هەولێر دڵنیایشی دایە نوێنەرانی ئەنجومەنی کاسبکارانی بازاڕی سیم و ڕاگەیاند: "کارەکان قۆناغ و هەنگاوی باشی بڕیوە و ئێمەش لەگەڵتانین، پەنا بەخوا لەئایندەیەکی نزیکدا بەهەوڵی هەموو لایەک دەست بەکارەکانی ترمان دەکەین، دڵنیاشتان دەکەینەوە ئەوەی بەئێمە بکرێت بۆ کاسبکارانی بازاڕەکە درێغی لێناکەین".

 

 

دڵشاد یونس هەرکی





ئەم هەواڵە 2809جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad