English | عربی | Kurdî دواهەواڵ
ڕاستەوخۆ  
 
بۆچی نابێت بە ئافرەتی دوگیان بڵێیت بۆ دو كەس خواردن بخوات
2020-09-15 [10:07 AM]

ZNA ــ هەولێر


بە پێی توێژینەوەكان زۆرینەی كات ئەو پەستان خستنە سەر ئافرەتی دوگیان بۆ خواردنی برێكی زۆر خۆراك كاریگەری نەرێنی دەبێت لەسەر دایكەكە و كۆرپەكەشی، لەوبارەیەوە دکتۆر ئیسرا كەمال شاه محمد پسپۆری بواری قەڵەوی و لاوازی، رونکردنەوەیەکی بڵاوکردوەتەوە

بەپێی توێژینەوەیەك لە زانكۆیەكی بەریتانی 6 لە 10 ئافرەتی دوگیاندا هەست بە فشاری بەردەوامدەكات لە دەوروبەرەوە بۆئەوەی زیادەرەوی بكات لە خواردندا بە ناوی ئەوەی كە ئەم ئێستا دو كەسە و دەبێت بۆ دو كەس خواردن بخوات.

ئافرەت لە كاتی دوگیانیدا لە شەش مانگی سەرەتای دوگیانیەكەیدا پێویستی بە وزەی زیاتر لە پێویستی لەشی نییە، ئەو خواردنەی كە پێویستی رۆژانەی لەشی خۆی دابین دەكات و پێویستی بە خواردنی زیاتر نییە بۆ كۆرپەكەی، تەنها لە 3 مانگی كۆتای دوگیانیەكەیدا پێویستی بە 200-500 كالۆری وزەی زیاتر دەبێت لە پێویستی لەشی دایكەكە بۆ پركردنەوەی پێویستی كۆرپەكە.

زیادەرەوی لە خواردندا لە كاتی دوگیانیدا كاریگەری نەرێنی لەسەر كۆرپەكە و دایكەكەش بە جێدەهێڵێت لەوانە ئەگەری زیادبونی كێشی دایكەكە زۆر زیاد دەكات و كە دابەزینیشی زۆر قورس دەبێت لە دوایدا.

ئەگەری توشبون بە شەكرەی دوگیانی و بەرزبونەوەی پەستانی خوێن و كاردەكاتە سەر ئالۆزتر بونی پرۆسەی منداڵبونەكە.

ئەوەی كە زۆر گرنگە ئافرەتی دوگیان ئاگاداری بێت بۆ خواردنەكەی بەهای خۆراكی ناو خواردنەكەیەتی نەك بڕی خۆراك، واتە دەكرێت ئافرەتی دوگیان بڕی خواردن زۆر نەخوات بەڵام ئەو خواردنەی دەیخوات زۆر دەوڵەمەند بێت بە ڤیتامین، كانزا، ریشالەكان و دژە ئۆكسیدەكان، هەم سودی دەبێت بۆ دایكە كە كە كێشێكی نمونەی زیاد بكات لە كاتی دوگیانیەكەیدا و هەم سودی دەبێت بۆ كۆرپەلەكەشی.





ئەم هەواڵە 3241جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad