English | عربی | Kurdî دواهەواڵ
ڕاستەوخۆ  
 
ئەمشەو بارسا له‌ جامی گامبه‌ر میوانداری ئێلچی ده‌كات
2020-09-19 [08:59 AM]

ZNA - ھەولێر


بەر لە ئەنجامدانی یەکەم یاریی لە وەرزی نوێی لالیگادا، ئەمشەو یانەی بارسێلۆنا لە جامی خوان گامبەردا، بەرامبەر یانەی ئێلچی یارییدەکات.

کاژێر 20:00 لەسەر یاریگەی یوهان کرۆیف، یانەی بارسێلۆنا بەرامبەر یانەی ئێلچی یارییدەکات، بۆ رکابەریکردن لەسەر بردنەوەی جامی دۆستانەی خوان گامبەر، کە ساڵانە لەلایەن یانەی بارسێلۆناوە رێکدەخرێت.

بارسا بەر لەم یارییە دوو یاریی دۆستانەی بەرامبەر هەریەکە لە یانەکانی خیمانستیک و خیرۆنا ئەنجامداوە و لە هەردوو یارییەکە سەرکەوتنی بەدەستهێنا، ئەمە دوایین یاریی دەبێت، بەر لەوەی رۆژی 27ـی ئەم مانگە لە لالیگادا بەرامبەر یانەی ڤیاریال یاریی بکات.

سەرەتا یانەی بارسێلۆنا داوای لە یانەی ئینتەرمیلانی ئیتالی کرد، بۆ ئەوەی ئەم یارییەی بەرامبەر ئەنجامبدات، بەڵام یانە ئیتالییەکە بەهۆی بەرزبوونەوەی ژمارەی تووشبووانی کۆرۆنا لە ئیسپانیا داواکارییەکەی بارسێلۆنای رەتکردەوە، پاشان یانەکە بڕیارییدا یانەی ئێلچی وەک رکابەری هەڵبژێرێت بۆ ئەنجامدانی ئەو یارییە.

54 ساڵە، یانەی بارسێلۆنا ئەم یارییە وەک وەفایەک بۆ خوان گامبەری دامەزرێنەری یانەکە ئەنجامدەدات، یانەکە زۆرترین جار یارییەکەی بردووەتەوە کە ژمارەیان 42 یارییە و تەنیا 12 جار یارییەکەی دۆڕاندووە.

 

رووداو





ئەم هەواڵە 3052جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad