English | عربی | Kurdî دواهەواڵ
ڕاستەوخۆ  
 
توێژینەوەیەک: کۆرۆنا کاریگەری درێژخایەن لەسەر ئافرەتان بەجێدەهێڵیت
2020-09-20 [03:18 AM]

ZNA ــ هەولێر



بەپێی توێژینەوەیەک کە لەلایەن زانایانی ئێرلەندا ئەنجامدراوە، زیاتر لە نیوەی ئەو ئافرەتانەی کە لە پەتای کۆڤید-19 چاکدەبنەوە، بۆ ماوەی زیاتر لە 10 هەفتە هەست بە هیلاکی و بێهێزی بەردەوام دەکەن، لە هەندێک لە ئافرەتانیشدا ئەو کاریگەرییەی کۆرۆنا بە رونی لەسەریان دەردەکەوێت.

پێشتر لە چەندین توێژینەوەدا ئەوە خراوەتەڕو، کە کۆرۆنا چەندین جۆر کاریگەری درێژخایەن لەسەر ئەو کەسانە جێدەهێڵت، کە توشی پەتاکەبون و پاشان چاکبونەتەوە، ئاستی دەرکەوتنی ئەو کاریگەرییانە لە کەسێکەوە بۆ کەسێکی دیکە دەگۆڕێت، تەمەن و دۆخی تەندروستی نەخۆشەکان، رێژەی کاریگەرییەکان و درێژی مانەوەیان دیاریدەکات.


زانایانی ئێرلەندا لە توێژینەوەیەکدا کە لەسەر 128 توشبو بە ڤایرۆرسی کۆرۆنا لە یەکێک لە نەخۆشخانەکانی وڵاتەکە ئەنجامیانداوە ئاشکرایانکرد، زیاتر لە 52% چاکبوەکان پاش تێپەڕبونی 10 هەفتە لە تێپەڕاندنی پەتاکە بەدەست بێهێزی و هەستکردن بە هیلاکی بەردەوام دەناڵێنن.

بەپێی دەرئەنجامەکانی توێژینەوەکە، دەرکەوتوە 67% ئەو کەسانەی کە لە دوای چاکبونەوە لە پەتای کۆڤید-19 هەست بە ماندوبون دەکەن ئافرەتانن

 


ئاماژە بەوەشکراوە، دەرکەوتنی ئەو کاریگەریانە لەسەر توشبوانی کۆرۆنا پەیوەندی بە مانەوەی کەسەکە نییە لە نەخۆشخانە لەکاتی نەخۆشییەکە، بەڵکو کاریگەرییەکە لەسەر ئەو کەسانەی کە لە ماڵەکەی خۆیان چاکدەبنەوە، لەگەڵ ئەو کەسانەی کە لە نەخۆشخانەکاندا دەمێننەوە وەک یەک وایە.

لەسەر ئاستی جیهان، تا ئێستا زیاتر لە 30 ملیۆن و 734 هەزار و 956 توشبوی کۆرۆنا تۆمارکراوە، لەو ژمارەیەش 22 ملیۆن و 362 هەزار و 347 کەس چاکبونەتەوە، هاوکات 657 هەزار و 189 کەس گیانیانلەدەستداوە.





ئەم هەواڵە 3316جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad