English | عربی | Kurdî دواهەواڵ
ڕاستەوخۆ  
 
کاتی دەستپێکردنەوەی عەمرەی راگەیاند
2020-09-23 [08:21 AM]

ZNA-هەولێر


وەزارەتی ناوخۆی سعودیە رایگەیاند، بڕیاردراوە بەگرتنەبەری ژمارەیەک رێکاری خۆپارێزی بەرامبەر کۆرۆنا رۆژی ٤ی تشرینی یەکەم مەراسیمی عەمرە دەستپێبکاتەوە.

میدیاکانی سعودیە لە زاری سەرچاوەیەکی فەرمی لە وەزارەتی ناوخۆوە بڵاویانکردەوە، بڕیاریدراوە هەنگاو بە هەنگاو رێگە بەئاساییبوونەوەی مەراسیمی عەمرە بدرێت و بڕیاریشە مەراسیمەکە لە رۆژی ٤ی تشرینی یەکەم دەستپێبکاتەوە، کە لەسەرەتادا گەشتی عەمرە بۆ موسڵمانانی ناوخۆی وڵاتەکە ئاسایی دەکرێتەوە.

ئەوەش هاتووە، ئەگەر رێکارەکان بەباشی بەڕێوەچوون بۆ موسڵمانانی وڵاتانی دیکەش گەشتی عەمرە ئاساییدەکرێتەوە، هەروەها دەبێت ژمارەی ئەوانەی عەمرە دەکەن دیاریکراوبێت و مانەوەیان لە شوێنەکان و ئەرکە ئاینییەکانیان دەبێت بە رێکاری خۆپارێزی بێت.

ئاماژە بەوەشکراوە، سەرجەم عەمرەکاران دەبێت پشکنینی تایبەت بە کۆرۆنا بکەن و هەمان ئەو رێکارە خۆپارێزیانە کە لە رێورەسمی حەجی ئەمساڵ گیرانەبەر جێبەجێبکەن.

لە سەرەتای ئەمساڵەوە بەهۆی بڵاوبوونەوەی ڤایرۆسی کۆرۆناوە لە جیهاندا، رێکاری خۆپارێزی گیرانەبەر و لەو چوارچێوەیەشدا سعودیە لە سەرەتای مانگی ئازارەوە پێدانی ڤیزای بەمەبەستی گەشتی عەمرە راگرت و لە مەراسیمی حەجی ئەمساڵیشدا تەنها رێگە بە ژمارەیەکی دیاریکراو لە هاوڵاتیانی ناوخۆی سعودیە درا کە بە پابەندبوون بە رێنماییەکانەوە حەج بکەن.





ئەم هەواڵە 5071جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad