English | عربی | Kurdî دواهەواڵ
ڕاستەوخۆ  
 
فەرماندەی گشتیی هێزە چەکدارەکانی ئێران هوشداریی دایە ئیمارات و بەحرەین
محەمەد باقری فەرماندی ئەرکانی هێزە چەکدارەکانی ئێران
2020-09-27 [05:10 AM]

​ZNA - هەولێر


"محەمەد باقری" فەرماندەی هێزە چەکدارەکانی ئێران ئێوارەی رۆژی شەممە٢٦ئەیلوول، سەبارەت بەئاسایی‌کردنی پێوەندییەکانی ئیسرائیل لەگەڵ ئیمارات و بەحرەین، بە دەم هەڕەشەکردنەوە ناوی ئەم دوو وڵاتەی هێنا.

بە گوێرەی راپۆرتی ئاژانسی هەواڵی ئێسنا، محەمەد باقری گوتی: روانینی ئێمە بۆ ئێمارات و بەحرەین گۆڕانی بەسەردا هاتووە و ئەگر شوێن‌پێی ئیسرائیل لەناوچەکە ببێتەوە و شتێک رووبدات کە ئاسایشی ئێمە تووشی بچووکترین زیان بکات، ئێمەش بە جۆرێکی دیکە دەڕوانینە بەحرەین و ئیمارات و وەک دوژمن سەیریان دەکەین.

ئەم گەف‌کردنە لەکاتێکدایە کە چەند رۆژ  لەمەوبەر، ئەنوەر قەرقاش، وزیری راۆێژکار لەکاروباری دەرەوەی ئیمارات گوتی: ئەمە سیاسەتی هێرشبەرانەی ئێرانە کە لە چەندین ساڵی رابردووە بووەتە هۆی دڕدۆنگیی وڵاتانی عەرەبی و ئەوانی ناچار کردووە بە روانینێکی نوێ سەیری پێوەندییەکانی خۆیان لەگەڵ ئیسرائیل بکەن.

ئیماراتی یەکگرتووی عەرەبی و بحرەین دوو هەفتە لەمەوبەر لە واشنتۆن لەسەر دەستی ترامپ بە فەرمی رێک‌کەوتن‌نامەی ئاسایی‌کردنی پێوەندییەکانیان لەگەڵ ئیسرائیل واژوو کرد.





ئەم هەواڵە 7879جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad