English | عربی | Kurdî دواهەواڵ
ڕاستەوخۆ  
 
پەیامێک لە  مەکتەبی سیاسی پارتی دیموکراتی کوردستان 
2020-09-27 [07:05 AM]

ZNA  - ھەولێر



 بەڕێزان/ بەڕێوەبەر و کادیر و کارمەندانی ئێزگەی دەنگی کوردستان.. 

ئەمڕۆ یادی (٥٧)ەمین ساڵەی دامەزراندنی ئێزگەی دەنگی کوردستان دەکەینەوە، کە بە بڕیاری (بارزانی نەمر) و سەرکردایەتی شۆڕش لە ھەلومەرجێکی دژواری بزووتنەوەی رزگاریخوازی گەلەکەمان، دەستی بەپەخشی بەرنامەکانی کرد. ئێزگەی دەنگی کوردستان، کە دەسکەوتێکی گرنگی شۆڕشی مەزنی ئەیلوول بوو، کاریگەری زۆریشی ھەبوو لەسەر خەباتی سیاسی و چەکداریی بزووتنەوەی رزگاریخوازیمان، دەنگی کوردستان پەیامی داکۆکیکردن بوو لە ھەبوون و واقیعی نەتەوەییمان و جۆشدانی گیانی بەرخۆدان و شۆڕشگێریی بۆ بەدیھێنانی مافەکانمان. 

رادیۆی دەنگی کوردستان بەدرێژایی تەمەنی کار و بەخششی ھەمیشە دەنگی بوێرانەی خەڵکی کوردستان بووە بە ھەموو پێکھاتە ئیتنی و ئایینیە جیاجیاکانیەوە، بۆیە توانیویەتی مینبەرێکی زوڵاڵ و پێشەنگ بێت لە بەرجەستەکردنی خواست و ویستی گەلەکەمان. 

بەو بۆنەیەوە گەرمترین پیرۆزبایی لە خۆمان و ئێوەی بەڕێزو بیسەرانتان دەکەین، وێرای ئومێدەواریمان بۆ بەردەوام بوونتان لە خزمەتکردن، لێشمان مسۆگەرە بۆ ساڵی داھاتوو زیاتر و بەرچاوتر لەو بوارە پەرە بەکار و بەرنامە و چالاکیەکانتان دەدەن و، ھەردەم بەرپرسانە و دڵسۆزانە ئەرکی سەرشانتان بەجێدەگەیەنن. 

لەم یادەدا جەخت لەسەر پاڵپشتی و پشتیوانی تەواوی خۆمان بۆ ئێزگەی دەنگی کوردستان دەکەینەوە و ھیوای پێشکەوتن و سەرکەوتنی زیاترتان بۆ دەخوازین.. 

پیرۆزبێ ٥٧ ساڵ خزمەت و بەخشش.. 
سڵاو و دروود بۆ گیانی پاکی ئەو کەسایەتی و کادیر و راگەیاندنکارانەی لەرێی سەروەری ئەو کاروانە پیرۆزەدا شەونخونیان کێشا و سەریان نایەوە.. 

مەکتەبی سیاسی
 پارتی دیموکراتی کوردستان

 





ئەم هەواڵە 2758جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad