2020-09-24 [04:23 AM]

رووبار ره‌شید کاکه‌یی دووه‌م به‌رهه‌می خۆی به‌ناوی "ناسنامه‌" تۆمارکرد و بەم نزیکانە بڵاویدەکاتەوە.

ئەم بەرهەمە به‌زاراوه‌ی ماچۆیی کاکه‌ییه‌کانە و به‌رهه‌مه‌که‌ وه‌ک شانازیی بوونی کاکه‌ییه‌کان له‌ کوردستان و عێراق به‌ کوردبوونی خۆیانه‌وه.

ڤیدیۆ کلیپی گۆرانیه‌که‌ی به‌شێکی له‌سه‌ر بووجه‌ی ئەو هونەرمەندە و له‌گه‌ڵ بابیلۆن کاری بۆ کراوه و ‌له‌ گوندی هاواری کاکه‌یی له‌ هه‌ڵه‌بجه تۆمارکراوه‌ و کاکه‌ییه‌کانی ناوچه‌ی هه‌ڵه‌بجه له‌ کلیپه‌که‌یدا به‌شداریان کردووه‌.

کاری ده‌رهێنانی له‌لایه‌ن ره‌نج حاجی بۆ کراوه‌ و لە ئاوازی گۆرانییه‌که‌ له‌لایه‌ن دوو هونه‌رمه‌ندی گۆرانیبێژی کاکه‌یی ئه‌حمه‌د هه‌یاس و ئیبراهیم فه‌تاحه‌وه‌ بۆ کراوه‌ و شیعره‌که‌ی لایه‌ن هۆنۆ کاکه‌ییه‌وه‌ نووسراوه‌.

رووبار رشید کاکه‌یی له‌ دایکبووی ١٩٨٧ـه‌ و یه‌که‌م به‌رهه‌می به‌ناوی "هاواری کاکه‌یی" به‌رله‌ دوومانگ بڵاوکردووه‌ و کاره‌ساته‌کانی بەسەر کاکه‌ییەکان هاتووە باس کردووە.