2020-09-29 [12:41 PM]

رۆژانە چی دەخوێنیتەوە و چ زانیاریەک بەدەستدەهێنین لەرێگەی چاوەکانمانەوەیە، ئەمەش چاومان ماندو دەکات، دەبێتە هۆی وشکبونی چاو، سوربونەوە و لاوازبونی بینایی، چەند خویەکی رۆژانە هەیە کە زیان بە چاو دەگەیەنێت و باشتر وایە لێیدوربکەویتەوە لە پێناو پاراستنی چاوەکانت.

یەکەم: تەماشاکردنی تەلەفزیۆن، مۆبایل، کۆمپیوتەر یان هەر شاشەیەکی دیکە، بەتایبەتی پێش نوستن.

دوەم: خوێندنەوە، بەتایبەتی لە شوێنی تاریک.

سێیەم: نوستن بە هاوێنە (عەدەسە)ی چاو.

چوارەم: هەڵگڵۆفاندنی چاو کە زیان بە دەمارەکانی چاو دەگەیەنێت.

پێنجەم: زیادەڕەوی لەبەکارهێنانی دڵۆپە (قەترە)ی چاو.

شەشەم: رێکنەخستنی سیستمی خۆراکی و بایەخنەدان بە ئەو خواردنانەی دەوڵەمەندن بە ڤیتامین، زینک و ئۆمێگا-3.

حەوتەم: بەکارنەهێنانی چاویلکەی سەلامەتی، بەتایبەتی لە کاتی بەکارهێنانی دەرمانی پاککەرەوەی ناوماڵ.

هەشتەم: بەکارهێنانی ماکیاژی بەسەرچو بۆ چاو.

نۆیەم: کەم خەوی.

دەیەم: لەچاونەکردنی چاویلکەی هەتاوی.

یانزەیەم: سەرداننەکردنی پزیشکی چاو.