English | عربی | Kurdî دواهەواڵ
ڕاستەوخۆ  
 
لەتورکیا ١٣ گومانلیکراو دەستگیر کران
2020-09-30 [08:55 AM]

ZNA_ هەولێر


 

لە شاری ئیستەنبووڵی تورکیا ھێزە ئەمنییەکان ١٣ گومانلێکراویان بە تۆمەتی ئەندامێتیی داعش دەستبەسەر کرد.
 
بەرەبەیانی رۆژی چوارشەممە ٣٠ی ئەیلولی ٢٠٢٠ تیمەکانی ھۆبەی دژەتیرۆری سەر بە بەڕێوەبەرایەتیی گشتیی پۆلیسی ئیستەنبووڵ لە ئۆپەراسیۆنێکدا کە لە ٨ شارۆچکە بەڕێوەچوو، ھەڵیانکوتایە سەر ١٦ ناونیشان. 
 
ئۆپەراسیۆنی دژەتیرۆری ئیستەنبووڵ بۆ سەر ئەو ناونیشانانە بە پشتبەستن بە زانیاریی ھەواڵگری بووە لەبارەی ھەبوونی ژمارەیەک ئەندامی داعشەوە لەو ناونیشانانە.
 
بە گوێرەی زانیارییەکانی ھۆبەی دژەتیرۆر ئەو کەسانە پێشتر لە عێراق و سووریا چالاکیی چەکدارییان کردووە و بەشێوەیەکی نایاسایی چوونەتە تورکیا. 
 
لە ئەنجامی ئۆپەراسیۆنەکەدا ١٣ گومانلێکراوی داعش دەستبەسەر کران و دەست بەسەر بڕێکی زۆر بەڵگەی رێکخراوەیی و کەلوپەلی دیجیتاڵیدا گیرا.
 
لێکۆڵینەوە لە دەستبەسەرکراوەکان لە بەڕێوەبەرایەتیی گشتیی پۆلیسی ئیستەنبووڵ بەردەوامە. 





ئەم هەواڵە 4411جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad