English | عربی | Kurdî دواهەواڵ
ڕاستەوخۆ  
 
زانکۆی سلێمانی لەبارەی دەستپێکرنەوەی خوێندن بە ئەلکترۆنی بڕیاریدا
2020-10-05 [08:49 AM]

ZNA-هەولێر


سەرۆكایەتی زانكۆی سلێمانی رایگەیاند، لە ماوەی شەش هەفتەی سەرەتادا بە خوێندنی ئەلکترۆنی دەستبەخوێندن بکەنەوە و دواتر کار بۆ دەستپێکردنەوەی دەوام لە نێو کەمپەس بکرێت بە پابدندبوون بە رێکارەکانی خۆپارێزی.

سەرۆكایەتی زانكۆی سلێمانی رایگەیاند، "لەو روانگەیەی ئێمەش وەک مامۆستایانی زانكۆ بەدەرنین لە كاریگەرییەكانی قەیرانی دارایی ھەرێمەكەمان بۆیە خوێندنەوەمان ھەیە بۆ باری ناھەموار و قورسایی سەرشانی خوێندكاران و كەسوكاریان لە دابینكردنی ھێڵی ئینتەرنێت و كۆمپیوتەر و ھۆكارەكانی پەیوەندی بۆ خوێندنی ئەلیكترۆنی بەتایبەت لەناوچە دوورەدەستەكان و لە ئازار و كێشەكان تێدەگەین و تیایدا دەژین."

ئەوەش خراوەتەڕوو، "لە ھەموو كەس ئاشناترین بەوەی خوێندنی ئەلكترۆنی بە تەواوی لەئاستی داخوازی ئێمە و خواستی خوێندكاراندا نییە و بە ئەركی خۆمان و مافی خوێندكارانی دەزانین، كە ھەموو خوێندكاران  ئامادەییان ھەبێت لە ھۆڵەكانی خوێندن و راستەوخۆ وانەكان بخوێنن."

باس لەوەشکراوە، "لەنێوان دوو بەرداشدا پەتای كۆرۆنا و قەیرانی دارایی و لە ململانێی نێوان دوو مافدا مافی خوێندن لە كەمپەس و مافی سەلامەتی و تەندروستی، لەپاش چەندین كاتژمێر و چەندین كۆبوونەوە پشتبەست بەڕێنماییەكانی وەزارەتی خوێندنی باڵا و توێژینەوەی زانستی، كە جەخت دەكاتەوە لە خوێندنی ئاوێتە (خوێندنی ئەلیكترۆنی وخوێندنی ناو كەمپەس) بۆ ساڵی خوێندنی (٢٠٢٠-٢٠٢١) ئەنجومەنی زانكۆكەمان لەپێناوی ئەوەی خوێندكاران ھەم تەندروستیان پارێزراو بێت ھەم لەخوێندنەكەش بێبەش نەبن بڕیاریدا سەرەتا بە خوێندنی ئەلیكترۆنی دەستپێبكەین بۆ شەش ھەفتە."

ئاماژە بەوەشکراوە، "ئەمەش مانای ئەوەنییە كار بەخوێندنی ناو كەمپەس ناكات، بەڵكو لە ھەفتەكانی دواتر بەپلانێكی ورد و كردنەوەی بەشە ناوخۆییەكان خوێندنی چەند كۆلێژ و قۆناغ و بەش و بابەتێک لەنێو كەمپەس دەبێت بە پابەندبوون بە رێكارەكانی تاک پارێزی و كۆمەڵ پارێزی، بێگومان لە تاقیكردنەوەكانیشدا خوێندنەوەمان دەبێت بۆ ئەو وانانەی بە ئەلكترۆنی خوێندراون."





ئەم هەواڵە 1381جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad