English | عربی | کوردی  
 
 
2016-09-15 [02:16 PM]

Hewlêr (ZNA) -


Keça Kurd a Êzidî, Nadiye Murad ku ji destê DAIŞê rizgar bûye, weke Balyozê Niyetpakiyê yê Netewên Yekbûyî tê destnîşankirin.

 

Li gorî agahiyan, sibe Înê 16ê Îlonê di merasîmekê taybet de li baregeha Netewên Yekbûyî û bi amadebûna Sekreterê Giştî yê Netewên Yekbûyî, Ban Ki moon û balyozên çendîn welatên cîhanê, Keça Kurd a Êzidî Nadiye Murad weke Balyozê Niyetpakiyê yê wê saziya navdewletî dê diyarkirin.

 

Ev cara yekemîn e ku NY keçke Kurd û herwiha qurbaniyekê destê komên tundrew bo vê kursiyê destnîşan dike.

 

Nadiye Murad di temenê 23 saliyê de ye û ji destê çekdarên DAIŞê rizgar bûye.

 

Nadiye Murad bo yekemîn car di 16ê Îlona 2016 de beşdarî di civîneke taybet a Encumena Asayişa Navdewletî kir û gotarek li ser êrişên DAIŞê û tawanên wê rêxistinê derheqê Kurdên Êzidî pêşkêş kir.

 

Nadiye Murad herwiha di wê civînê de, çîroka girtin û îşkencekirin û rizgarbûna xwe ji destê DAIŞê ji amadebûyan re got.

 

Kovara navdar a Time, navê Nadiye Murad di nav 100 kesatiyên herî bi bandor ên cîhanê di sala 2016 de destnîşan kiriye.

 

Herwiha Nadiye Murad bo xelata Nobel a aştiyê jî hatiye namzedkirin.

 

Piştî ku ji destê DAIŞê rizgar bû, Nadiye Murad dest bi geryana bo welatên cîhanê kir û heta niha li gel çendîn Serok, Serokwezîr û berpirsên pilebilind ên welatan hevdîtin pêk aniye û ji wan re behsa çawaniya êrişên DAIŞê û proseya cenosîdkirina Kurdên Êzidî bi destê çekdarên DAIŞê kiriye.





328 car hatiye dîtin
Reklam
 
Rapirsî No date
Wênenûçe
 
 
vîdeo
أقوي رجل في العالم
لا تقتربوا من هذا الرجل العجوز
فيل صغير يصطاد العصافير
تصارع على الطعام
لاتضحك على احد لكي لا يضحكوا عليك
 
 

Pênase | Arşîv | Pêwendî

Hamû maf ji Ajansa Nûçeyan a Peyamnêrê (Zagrosê) re parastî ne

Developed By: Omed Sherzad