English | عربی | کوردی  
 
 
2017-07-24 [01:21 PM]

Hewlêr (ZNA) -


Serokê Encumena Bilind a Îslamî ya Iraqê, Emar Hekîm dest ji wê encumenê berdide û li gorî zanyariyan dê partiyeke nû ava bike.

 

Endamê Fraksyona Muwatin li parlamentoya Iraqê, ku fraksyona parlemanî ya Encumena Bilind a Îslamî ya Iraqê ye, Mihemed Mesûdî ji Rûdawê re ragihand, Emar Hekîm îşev demjimêr 20:00 li bajarê Bexdayê gotarekê pêşkêş dike.

 

Mesûdî amaje bi wê yekê kir, ku “bi sedema çêbûna nakokiyê di nava Encumena Bilind a Îslamî ya Iraqê de, Emar Hekîm dê di gotara xwe ya îşev de, destberdana xwe ji wê encumenê aşkere dike û dê wê encumenê ji serkirdeyên din re bi cih bihêle.”

 

Mesûdî da xuyakirin, ku Hekîm dê li ser çalakiyên xwe yên siyasî berdewam be û  bi gotina wî “dê partiyeke nû ava bike.”

 

Hin çavkaniyên ji nav Encumena Bilind a Îslamiya Iraqê jî aşkere kirine, ku “serkirdeyên dêrîn ên encumena bilind a îslamî ku kesên weke Celaledîn El-Sexîr, wezîrê berê yê veguhastinê Baqir El-Zubeydî û parlamenter Hamid El-Xizrê li dijî Hekîm û li ser nakokî û dijbûna nêrînên xwe yên bi Hekîm re, giliyên xwe pêşkêşî Îranê kirine.”

 

Li gorî zanyariyan, yek ji berçavtirîn nakokiyên nava Encumena Bilind a Îslamî ya Iraqê ew e ku serkirdeyên wê encumenê yên ku li dijî Hekîm birine pêşberî Îranî, daxwaz ji Hekîm kirine, ku roleke mezintir bide wan di biryardanên nava wê encumenê de û herwiha serxistina serkirdeyên xort di nava encumenê de, ku ew xort berî sala 2003ê li Îranê nebûbin, red dikin.





760 car hatiye dîtin
Reklam
 
Rapirsî
Wênenûçe
 
 
vîdeo
أقوي رجل في العالم
لا تقتربوا من هذا الرجل العجوز
فيل صغير يصطاد العصافير
تصارع على الطعام
لاتضحك على احد لكي لا يضحكوا عليك
 
 

Pênase | Arşîv | Pêwendî

Hamû maf ji Ajansa Nûçeyan a Peyamnêrê (Zagrosê) re parastî ne

Developed By: Omed Sherzad