English | عربی | کوردی  
 
 
2018-12-28 [12:19 PM]

Hewlêr (ZNA) -


Serokwezîrê Herêma Kurdistanê Nêçîrvan Barzanî pêşwazî li  Serokwezîrê Vatîkanê Pietro Parolin û şanda li gel kir.

Malpera hikûmeta Herêma Kurdistanê di daxuyaniyekê de ragehand ku, îro pêncşemê 27.12.2018 Serokwezîrê Herêma Kurdistanê Nêçîrvan Barzanî pêşwaziya Serokwezîrê Vatîkanê Kardînal Pietro Parolin û şanda li gel wî kir, di hevdîtinê de Serokwezîrê Vatîkanê Pietro Parolin kêfxweşiya xwe bo serdana Herêma Kurdistanê nîşandaye û hevdîtina li gel serokwezîrê Herêma Kurdistanê û pesnê Herêma Kurdistanê daye li ser cîgirkirina bingehên pêkvejiyan û lêborîna di navbera pêkhateyan de û rola Serokwezîrê Herêma Kurdistanê di vê mijarê de bilind nirxand, herwiha piştgiriya Vatîkanê bo Herêma Kurdistanê cardin anî ziman.

Kardînal Pietro Parolin spasiya gel û hikûmeta Herêma Kurdistanê kir ji ber pêşwazîkirina hejmareke mezin ji koçber û penaberan, bi taybetî penaberên Mesîhî. Herdu serokwezîrên Kurdistan û Vatîkanê weke pêwîst dibînin ku berî vegera penabera bo cih û warên xwe, seqamgîrî û asayiş û xizmetguzarî li deverên wan werin dabînkirin. 

Ji aliyê xwe ve Serokwezîrê Herêma Kurdistanê Nêçîrvan Barzanî spasiya serdana Serokwezîrê Vatîkanê bo Kurdistanê kir û tekez kiriye ku, Krîstiyan beşeke giring û sereke ne ji civaka Kurdistanê, ku reh û koka dêrîn û dîrokî ya wan li vî welatî heye û hikûmeta Herêm karê cidî kiriye û berdewam dibe di cîbicîkirina zêdetir a bingehên pêkvejiyan û qebûlkirina hevdû û rêzgirtina hev. Ji bo vê mebestê jî ji aliyê perwerdeyê ve giringiyeke mezin didin vê mijarê û pêngavên pratîk li ser vê mijarê hatine avêtin.

Di beşeke din a hevdîtinê de rewşa Krîstyanan bi giştî li Iraq û Herêma Kurdistanê, peywendiyên Hewlêr – Bexdayê, pêşveçûnên siyasî û siberoja proseya siyasî ya li Iraqê hatin axaftin û tekezî li çareserkirina pirsgirêkên Hewlêr – Bexdayê li ser bingeha destûra Iraqê hat kirin. Herdu aliyan li ser wê yekê hevnêrîn bûn ku çareseriya leşkerî ji bo jinavbirina tundî û terorê ne bes e, divê ji aliyê fikrî û perwerdehî û kultûrî ve rêgirî li tundî û terorê were girtin.





421 car hatiye dîtin
Reklam
 
Rapirsî
Wênenûçe
 
 
vîdeo
أقوي رجل في العالم
لا تقتربوا من هذا الرجل العجوز
فيل صغير يصطاد العصافير
تصارع على الطعام
لاتضحك على احد لكي لا يضحكوا عليك
 
 

Pênase | Arşîv | Pêwendî

Hamû maf ji Ajansa Nûçeyan a Peyamnêrê (Zagrosê) re parastî ne

Developed By: Omed Sherzad