English | عربی | کوردی  
 
 
2016-02-03 [01:16 AM]

Hewlêr (PNA) - Çekdarên DAIŞê li parêzgeha Selahedînê êrişî 2 bîrên petrolê kirin. Di navbera hêzên ewlehiyê û çekdarên DAIŞê de şerekî dijwar derket holê û termê çendîn çekdarên DAIŞê li ber destê hêzên ewlehiyê mane.


Çekdarên DAIŞê li parêzgeha Selahedîn a li bakurê Iraqê êrişî 2 bîrên petrolê yên bi navê Elas û Ecîl kirin.
 
Serkirdeyekî milîsên Şîe yên Heşda Şeibî yê bi navê Cebar Meimûrî di daxuyaniyeke rojnamevanî de ragihand, yekîneyeke çekdarên DAIŞê ji Wîlayeta Neynewa ya DAIŞê êrişî hêzên ewlehiyê û milîsên Heşda Şeibî yên li nêzîkî her du bîrên petrolê yên Elas û Ecîl ê li bakurê parêzgeha Selahedînê kirin.
 
Cebar Meimûrî ragihand, hêzên ewlehiyê û milîsên Heşda Şeibî bersiva êrişa çekdarên DAIŞê dan û di navbera her du aliyan de şerekî dijwar çêbû.
 
Meimûrî got, hêzên ewlehiyê yên Iraqê û milîsên Heşda Şeibî karî êrişa îro ya DAIŞê bo ser her du bîrên petrolê bişkînin û rewşê kontrol bikin.
 
Meimûrî diyar kir, ku di şer û pevçûnên îro de bi dehan çekdarên DAIŞê hatin kuştin û termên wan jî ketine destê hêzên Iraqê.
 
Ji aliyekê din ve Parêzgarê Selahedînê Raîd Cibûrî ragihand, hêzên ewlehiyê û milîsên Heşda Şeibî deverên Fethe û Zerge yên li rojhilatê Çemê Dîcleyê ku dikevin rojhilatê bajarê Tikrît, navenda îdarî-siyasî ya parêzgeha Selahedînê, kontrol bikin.
 
Raîd Cibûrî da zanîn, ku di encama proseya girtina wan derveran de jî zirarek mezin gihîştiye çekdarên DAIŞê.
 
Roja 31ê Adar a sala 2015ê Serokwezîrê Iraqê Heyder Ebadî kontrolkirina bajarê Tikrîtê îlan kiribû.
 





790 car hatiye dîtin
Reklam
 
Rapirsî
Wênenûçe
 
 
vîdeo
أقوي رجل في العالم
لا تقتربوا من هذا الرجل العجوز
فيل صغير يصطاد العصافير
تصارع على الطعام
لاتضحك على احد لكي لا يضحكوا عليك
 
 

Pênase | Arşîv | Pêwendî

Hamû maf ji Ajansa Nûçeyan a Peyamnêrê (Zagrosê) re parastî ne

Developed By: Omed Sherzad