English | عربی | Kurdî دواهەواڵ
ڕاستەوخۆ  
 
ناسر ھەرکی: عێراق نەیتوانیوە باڵیۆزخانەکان وەک پێویست بپارێزێت
2020-12-20 [01:39 AM]

ZNA-هەوێر


ئەندامێکی لیژنەی ئاسایش و بەرگری لە ئەنجومەنی نوێنەرانی عێراق رایگەیاند، عێراق نەیتوانیوە باڵیۆزخانەکان وەک پێویست بپارێزێت و بۆ ئەو مەبەستە وەزارەتی دارایی عێراق لە ھەوڵی دۆزینەوەی ڕێگە چارەسەری بابەتەکەیە.

ناسر ھەرکی، ئەندامی لیژنەی ئاسایش و بەرگری لە ئەنجومەنی نوێنەرانی عێراق، بە ئاژانسی ھەواڵی زاگرۆسی راگەیاند: لە شاری بەغدا کۆمەڵێک باڵیۆزخانە ھەیە کە کاروباری خۆیان و پەیوەندییەکانیان لەگەڵ حکوومەت و ھاووڵاتییانی عێراق ڕێکدەخەن و پێویستییان بە دابینکردنی ئاسایش ھەیە بەڵام تا ئێستا ئەوە وەک پێویست نەبووە.

ئەندامی لیژنەی ئاسایش و بەرگری لە ئەنجومەنی نوێنەرانی عێراق گووتی: وەکو بینیمان لەماوەی ڕابردوودا تاوەکو ئێستا لەلایەن گروپە چەکدارەکانی عێراقەوە بەشێوەیەکی بەردەوام ھێرش کراوەتە سەر باڵیۆزخانەکان بەشێوەیەکی گشتی و لەناویاندا باڵیۆزخانەی ئەمەریکا، ئەوەش کاریگەری نەرێنی لەسەر پەیوەندییەکانی ھەردوو وڵات ھەبووە، ھاوکات کاریگەری نەرێنیشی لەسەر مانەوەی کۆمپانیاکان ھەبووە.

ھەروەھا ناسر ھەرکی، ئەندامی لیژنەی ئاسایش و بەرگری لە ئەنجومەنی نوێنەرانی عێراق ئەوەشی بۆ ئاژانسی ھەواڵی زاگرۆس خستەروو، کە بۆ چارەسەرکردنی ئەو بابەتە دوای ئەوەی شاندێکی وەزارەتی دەرەوەی عێراق سەردانی وڵاتی ئێرانی کرد و بابەتەکەیان تاووتوێ کرد، ھەست دەکەین جۆرە ڕێککەوتنێک کراوە،بۆیە دوای ئەوە ھێرش کردنە سەر باڵیۆزخانەکان زۆر کەمبووەتەوە.


رێباز یونس





ئەم هەواڵە 712جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad