English | عربی | Kurdî دواهەواڵ
ڕاستەوخۆ  
 
ئەمڕۆ لەگۆڕەپانی تەحریر خۆپیشاندان دەست پێدەكات لە دژی بڕیارەكانی بانكی ناوەندی
2020-12-21 [07:52 AM]

ZNA- هەولێر


بڕیاروایە ئەمڕۆ دووشەممە كاتژمێر 4 ی ئێوارە لە گۆڕەپانی تەحریر خۆپێشاندانێکی بەرفراوان دەست پێبكات دژ بە حکومەت و ئەو بڕیارەی كە بانکی ناوەندی عێراق داویەتی بۆ دابەزاندنی بەهای دیناری عێراقی بەرامبەر دۆلاری ئەمریکی.

دابەزینی بەهای دیناری عێراقی بەرامبەر بە دۆلار کاریگەری زۆری لەسەر بازاڕ دروستکردووە و نرخی شتومەک و کاڵاکانیش بەرزبوونەتەوە، بەشێک لە بازرگانەکانیش ئەو پێداویستی و شتومەکانەی کە هەیانە هەڵیانگرتووە نایخەنە بازاڕەوە بۆ ئەوەی بە نرخی نوێ و بەرز بیفرۆشنەوە.

بە گوێرەی زانیارییەکان زۆربەی دوکاندار و مارکێتەکانی بەغدا ئەو یەك دوو ڕۆژە نەچوونە سەر کار و دوکان و مارکێتەکانیان نەکردۆتەوە، ئەمەش وەکو ناڕەزایەتییەک بەرامبەر بڕیارەکەی بانکی ناوەندیی عێراق.

بەشێک لە پەرلەمانتارانی سوننە و شیعەش لە رێگەی راگەیێندراوی فەرمییەوە داوایانکردووە مستەفا کازمی هەرچی زووە وەزیری دارایی وەک سەرمەشقی ئەو هەنگاوە لە کارەکەی دوور بخاتەوە، ئەگەرنا ئەوان بانگهێشتی پەرلەمانی دەکەن و متمانەی لێدەستێننەوە.

ئەنجوومەنی وەزیرانی عێراق شەممەی رابردوو بڕیاریداوە بەهای 100 دۆلاری ئەمریکی بەرامبەر 145 هەزار دینار جێگیر بکات. بانکی ناوەندیش رایگەیاند دۆلارێک بە 1450 دینار دەفرۆشێتە وەزارەتی دارایی،  هۆکارەکەشی بۆ قەیرانی کەمبوونەوەی داهات بەهۆی دابەزینی نرخەکانی نەوتەوە گەڕاندووەتەوە

 

 





ئەم هەواڵە 577جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad