English | عربی | Kurdî دواهەواڵ
ڕاستەوخۆ  
 
حکومەت جارێکی دیکە بەهای دینار دانابەزێنێت
2020-12-28 [08:20 AM]

ZNA-هەولێر


راوێژکارێکی مستەفا کازمی، سەرۆکوەزیرانی عێراق رایگەیاند، بەهیچ شێوەیەک حکومەتی عێراق جارێکی دیکە بەهای دینار بەرامبەر دۆلار دانابەزێنێت.

 

مزهر محەممەد ساڵح، راوێژکاری سەرۆکوەزیرانی عێراق بۆ کاروباری دارایی لە لێدوانێکی رۆژنامەوانیدا رایگەیاند: "ئەو هەواڵانەی کە باس لەوە دەکەن، گوایە جارێکی دیکە نرخی فرۆشتنی دۆلار بە دیناری عێراقی زیاتر دەکرێت، راست نین، نرخەکەش ئێستا جێگیرە و ناکرێ بگۆڕدرێت".

 

سەبارەت بە رۆڵی سندووقی نەختی نێودەوڵەتی و داواکارییە ئابوورییەکانی لە عێراق، مزهر محەممەد ساڵح دەڵێت: "عێراق ئەندامی دامەزرێنەری سندووقەکەیە لە ساڵی 1945، هەر وڵاتێکیش دووچاری قەیرانی دارایی ببێتەوە، سندووقەکە بە راوێژ لەگەڵی هاوکاری دەکات، بۆ بەدیهێنانی سەقامگیری دارایی لەو وڵاتە، بەڵام عێراق ناچار نییە داواکاری و رێنماییەکانی سندووقی نەختی نێودەوڵەتی جێبەجێ بکات، چونکە عێراق بەشدار نییە لە پرۆگرامی سندووقەکە بۆ پێدانی قەرز".

 

لەوەتەی حکومەتی عێراق لە ناوەڕاستی مانگی کانوونی یەکەمی 2020ـەوە بەهای دیناری عێراقی بەرامبەر هەر دۆلارێک لە 1184 دینارەوە بۆ 1445 دینار زیادکرد، دەنگۆی ئەوە هەیە، کە گوایە حکومەتی عێراق بەنیازە جارێکی دیکە بەهای دینار دابەزێنێت، ئەوەش شڵەژانی لە بەهای دینار بەرامبەر دۆلار دروستکردووە.

 





ئەم هەواڵە 2137جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad