English | عربی | Kurdî دواهەواڵ
ڕاستەوخۆ  
 
تەندروستی عێراق ھۆشداری دەدات
2020-12-31 [07:15 AM]

ZNA-هەولێر


وەزیری تەندروستی عێراق، هۆشداری لە تەشەنەسەندنەوەی ڤایرۆسی کۆرۆنا دەدات و داوا لە خەڵك دەكات خۆیان بە دوور بگرن لە شوێنە گشتییەكان.

لە چاوپێکەوتنێکی تەلەڤزیۆنیدا، حەسەن تەمیمی وەزیری تەندروستی و ژینگەی عێراق، هۆشداریدا لە جارێکی دیکە تەشەنەسەندنی ڤایرۆسی کۆرۆنا، بە تایبەت کە ئێستا نەوەیەکی دیکەی ڤایرۆسەکە لە جیهان بڵاوبووەتەوە.

ئاماژەی بەوەشکرد، بە داخەوە تا ئێستاش خەڵک بڕوای بە بەکارهێنانی دەمامک و رێکارەکانی دیکەی خۆپارێزی نییە، کە ئەمەش لەوانەیە ببێتە هۆکارێک بۆ ئەوەی جارێکی دیکە ڤایرۆسەکە تەشەنە بسێنێت، داواشی لە خەڵك کرد، لە ماڵەکانی خۆیان ئاهەنگەکانی سەری ساڵ بگێڕن و روو لە شوێنە قەرەباڵغەکان نەکەن.

لەبارەی ھێنانی ڤاکسینی دژی كۆرۆنا، وەزیری تەندروستی عێراق ئاماژەی گوتی " 16 ملیۆن یەکەی ڤاکسینمان بۆ 8 ملیۆن کەس داواکردووە، کە دووجار لە ماوەی دوو هەفتەدا بە خەڵک دەدرێت.





ئەم هەواڵە 418جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad