English | عربی | Kurdî دواهەواڵ
ڕاستەوخۆ  
 
سەرۆك وەزیرانی عێراق: لە ساڵی 2021 دا راستی گەورە سەبارەت بە گەندەڵی ئاشکرا دەکەین
2021-01-03 [08:07 AM]

ZNA – هەولێر


سەرۆك وەزیرانی عێراق لەكۆبوونەوەیەكی دا لەگەڵ ژمارەیەك بەرپرس و مامۆستای زانكۆ باسی لە چاكسازی و گەشكردنەوەی عیراق و هێزە ئەمنیەكانی كرد.

مستەفا کازمی، سەرۆک وەزیرانی عێراق لە کۆبوونەوەیەكدا لەگەڵ ژمارەیەک وەزیری کابینەکەی و مامۆستایانی زانکۆ رایگەیاند ئێستا وڵاتانی دراوسێ هەوڵدەدەن پاڵپشتی عێراق بکەن، بۆ ئەوەی دووبارە گەشە بکاتەوە.

كازمی گوتیشی "بۆ هەموو لایەک روونبووەتەوە کە عێراق بۆ راگرتنی هاوسەنگی هەرێمی و نێودەوڵەتی وڵاتێکی گرنگە".

سەرۆك وەزیران ئاماژەی بەوەشدا، دوای دەستبەرکاربوونی کابینەکەی "متمانەی هاووڵاتییان بە هێزە ئەمنییەکان زیادیکردووە و ئێستاش هێزە ئەمنییەکان بۆ پاراستنی گەلی عێراق لە هەر جۆرە مەترسییەک ئامادەن".

لەبارەی پڕۆژەیاسای بودجەشەوە، مستەفا کازمی، جەختی كردەوە "کۆتایی بە موزایەدە كردن لەسەر حسابی گەلی عێراق بهێندرێت و پڕۆژەیاسای بودجە و وەرەقەی سپی تەنیا چاکسازی نین بۆ موجامەلەکردنی یەکتری، ئەمە دوا هەلە بۆ دووبارە بوژانەوەی عێراق".

سەرۆک وەزیرانی عێراق راشیگەیاندووە: "لە ساڵی 2021دا راستی گەورە سەبارەت بە گەندەڵی ئاشکرا دەکەین، کە کاریگەری لەسەر ئابووری و گەشەپێدان دەبێت".

 





ئەم هەواڵە 547جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad