English | عربی | Kurdî دواهەواڵ
ڕاستەوخۆ  
 
ئەمەریكا مۆڵەتی سێ مانگی تری بۆ عێراق درێژكردەوە بۆئەوەی غاز لە ئێران بكڕێت
2021-01-05 [08:53 AM]

ZNA- هەولێر


بەرپرسێكی عێراقی ئاشكرای دەكات، واشنتن مۆڵەتی کڕینی غازی ئێرانی بۆ عێراق بۆ سێ مانگی دیکە درێژکردووەتەوە.

بەرپرسە عێراقی بە ئاژانسی فرانس پرێسی راگەیاند:  مۆڵەتە نوێیەکەی ئەمەریكا دوای گفتوگۆیەکی درێژ بە عێراق دراوە، کە لە مۆڵەتی پێش خۆی زیاترە کە ٤٥ رۆژ بوو.

عێراق غازی سروشتی لە ئێران دەکڕێت بۆ پڕکردنەوەی یەک لەسەر سێی کارەبا و بەپێی مۆڵەتە نوێیەکە تا ٥ی نیسانی ساڵی ٢٠٢١ دەتوانێت غازی ئێران هاوردە بکات.

ئەمەش لەکاتێکدایە، ئێران لە هەفتەی رابردوودا، بەشێوەیەکی بەرچاو هەناردەی غازی بۆ عێراق کەمکردەوە لەبەر وەرنەگرتنی شەش ملیار دۆلار لەبەرامبەر ناردنی غاز بۆ وڵاتەکە.

لە ساڵی ٢٠١٨ەوە ئەمریکا سزای خستووەتە سەر کەرتی وزەی ئێران و هەر وڵاتێکیش سزا دەدات کە هاوردەی وزەی ئێران بکات، بەڵام چەندین جار مۆڵەتی بەخشیووە بە عێراق تا غاز لە ئێران بکڕێت.

 





ئەم هەواڵە 580جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad