English | عربی | Kurdî دواهەواڵ
ڕاستەوخۆ  
 
عێراق... كه‌مپی سه‌لامیه‌ و عامریه‌ ده‌ده‌خرێن
2021-01-13 [12:41 PM]

ZNA - هه‌ولێر


 

وەزارەتی کۆچ و کۆچبەرانی عێراق رایگەیاند، تاوەکو کۆتایی ئەم مانگە کەمپی سەلامییە لە پارێزگای نەینەوا و کەمپی عامرییەی فەللوجە لە پارێزگای ئەنبار دادەخەن.

ئه‌مڕۆ چوارشەممە عەلی عەباس جەهانگیر، گوتەبێژی وەزارەتی کۆچ و کۆچبەرانی عێراق، رایگەیاند، دەستمان بە پرۆسەی داخستنی کەمپی سەلامییەی ئاوارەکان لە پارێزگای نەینەوا کردووە، بۆیە لە چەند رۆژی داهاتوودا ئەو کەمپە بە یەکجارەکی دادەخەین، هەموو خێزانە ئاوارەکانی نێو کەمپەکە دەگەڕێنینەوە ناوچەکانی خۆیان و ئەوانەشی ناتوانن بگەڕێنەوە، بۆ کەمپی جەدعە لە نەینەوا ده‌گوازرێنه‌وه‌.

ئه‌وه‌ی خسته‌روو، ئەو خێزانانەی کە ناتوانن بگەڕێنەوە زیاتر کێشەی ئەمنییان هەیە یان کێشەیان لەگەڵ هۆزەکانیاندا هەیە، بۆیە ئەو خێزانانە لە کەمپی جەدعە کۆدەکرێنەوە. ئەو خێزانانەشی کە لە کەمپی سەلامییە نیشتەجێن و بە هەمان شێوە کێشەیان هەیە و ناتوانن بگەڕێنەوە، بۆ کەمپی جەدعە دەگوازرێنەوە.

گوتەبێژی وەزارەتی کۆچ و کۆچبەرانی عێراق باسی لەوە کرد، پێشبینی دەکەن ژمارەی خێزانەکان لە کەمپی جەدعە لە 2400 خێزانی ئاوارەوە بگاتە نزیکەی سی هەزار خێزان.

روونی كرده‌وه‌، ئێستا 900 خێزانی ئاوارە لە کەمپی عامرییەی فەللوجە نیشتەجێن، تاوەکو کۆتایی ئەم مانگەش ئەو خێزانانە دەگەڕێنرێنەوە ناوچەکانیان و کەمپەکە دادەخرێت.

عەلی عەباس جەهانگیر باسی لەوەش کرد کە بڕیارە بەمزووانە ئیڤان فایق، وەزیری کۆچ و کۆچبەرانی عێراق، لەگەڵ شاندێکی وەزارەتدا سەردانی هەرێمی کوردستان بکەن بۆ تاوتوێکردنی چۆنیەتیی داخستنی کەمپەکانی ئاوارەکان لە هەرێمی کوردستان کە تائێستا 38 هەزار خێزانی ئاوارە تێیاندا نیشتەجێن.

ئیڤان فایق، وەزیری کۆچ و کۆچبەرانی عێراق، سەرەتای ئەم هەفتە رایگەیاند، وەزارەتی کۆچ و کۆچبەران لە 6 مانگی رابردوودا 47 کەمپی ئاوارەکانی لە هەموو عێراقدا داخستووە، لەو پرۆسەشدا نزیکەی 66 هەزار خێزانی ئاوارە گەڕاونەتەوە ناوچەکانیان.

 

رووداو





ئەم هەواڵە 478جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad