English | عربی | Kurdî دواهەواڵ
ڕاستەوخۆ  
 
ئەمەریکا ماوەی مانەوەی هاوڵاتیانی سوری لە وڵاتەکەدا درێژكرده‌وه‌
2021-01-30 [10:43 AM]

ZNA - هه‌ولێر


 

وەزارەتی ئاسایشی نیشتمانی ئەمەریکا دوێنێ هەینی رایگه‌یاند، مۆڵەتی مانەوەی کاتیی بۆ نزیکەی  شه‌ش هه‌زار و 700 پەنابەری سوریایی کە لە ئەمەریکا دەژین درێژ كرده‌وه‌ و رێگە بە ژماره‌یه‌كی دیكه‌ش ده‌دات داواکارییەکانیان بۆ مانەوەی کاتیی پێشکەش بکەن.

وەزیری ئاسایشی نیشتمانی بە وەکالەت دەیڤد پیکۆسکی ڕایگەیاند وەزارەتەکە مۆڵەتی مانەوەی کاتیی هەتا مانگی 9 ی ساڵی 2022 درێژ دەکاتەوە و ڕێگە بە 1،800 سوریایی تریش دەکات داواکارییەکانیان بۆ مانەوەی کاتیی پێشکەش بکەن.

وەزارەتی ئاسایشی نیشتمانی لە بەیاننامەیەکدا ڕایگەیاند، شەڕی ناوخۆی سوریا بەردەوامە بە ئەنقەست خەڵکی مەدەنی ده‌كرێته‌ ئامانج و چەکی کیمیایی به‌كارده‌هێنرێت و تاکتیکی ناڕێکی شەڕ و سەربازانی منداڵ به‌كار ده‌هێنرێت.

ئه‌وه‌شی خسته‌روو، ئەو شەڕە هەروەها بۆتە هۆی پێداویستی بەردەوام بۆ هاوکاری مرۆیی، زیادبوونی پەنابەر ئاوارە، کەمی خۆراک، دەستڕاگەیشتنی سنوردار بە ئاوی پاک و خزمەتگوزاری تەندروسی و وێرانکارییەکی زۆری ژێرخانی سوریا. ئەم هۆکارانەش ڕێگرن لە گەڕانەوەی سوریاییەکان بە شێوەیەکی پارێزراو.

ئاژانسی هه‌واڵی ڕۆیتەرز رایگه‌یاند، بەڕێوەبەرایەتی پێشووی دانۆڵد ترامپ دوو جار مۆڵەتی مانەوەی کاتیی بۆ پەنابەرە سوریاییەکان بەهۆی بەردەوامی شەڕ لە سوریا درێژ کردبۆوە.

 

voa





ئەم هەواڵە 364جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad