English | عربی | Kurdî دواهەواڵ
ڕاستەوخۆ  
 
بەرەبەیانی ئەمڕۆ سوپای میانمار كودەتای بەسەر حكومەتدا كرد
2021-02-01 [08:08 AM]

​ZNA- هەولێر


چەند ڕۆژێك بەر لەئەمڕۆ هەڵبژاردنی پەرلەمانی لەمیانمار بەرێوەچوو پارتەكەی سەرۆكی وولات سەركەوتنی بەدەست هێنا، لەكاردانەوەی ئەمەشدا، بەرەبەیانی ئەمڕۆ دووشەممە 1-2-2021 کودەتای سەربازی لە میانمار روویدا، سەرکردەی وڵاتەکە و بەرپرسانی حکومی و حیزبی دەسەڵاتدار لەلایەن سوپای وڵاتەکەوە دەستگیرکراون و سوپا دەسەڵاتی گرتووەتە دەست.

ئۆنگ سان سووکی سەرکردەی میانمار لە ماڵەکەی خۆی دەستبەسەرە، تەلەفۆن و ئینتەرنێت لە ناپیتاوی پایتەختی وڵاتەکە پچڕاوە، دوای کودەتاکەش سوپای میانمار باری نائاسایی راگەیاند و دەسەڵات گواستراوەتەوە بۆ فەرماندەی باڵای هێزە چەکدارەکان.

سوپای میانمار لەرێگەی پەیامێکی تەلەڤزیۆنیشەوە رایگەیاند: "دەستگیرکردنی سان سووکی و سەرکردەکانی دیکە لەسەر ساختەکاری لە هەڵبژاردن بووە" کە تێیدا پارتەکەی سان سووکی، پارتی بزووتنەوەی نیشتمانی بۆ دیموکراسی سەرکەوت، بڕیاربوو پەرلەمان ئەمڕۆ پاش هەڵبژاردن لەو وڵاتە یەکەم کۆبوونەوەی بکات، بەڵام دیار نییە دۆخی وڵاتەکە چی لێ دێت .

وەزارەتی دەرەوەی ئەمریکا لە راگەیێندراوێکدا: سەرکۆنەی کودەتای میانماری کرد و داوای لە سوپای وڵاتەکە کرد سەرکردەکانی حکومەت و سان سووکی ئازاد بکات.

سان سووکی تەمەن 75 ساڵان جەماوەرێکی زۆری لەو وڵاتە هەبوو، پاش ئەوەی دەیان ساڵ دژی حوکمی سەربازی لە میانمارخەباتی کرد، لە دوایین هەڵبژاردنیشدا پارتەکەی سووکی لە کۆی 476 کورسی پەرلەمان 396 کورسی بەدەستهێنا، بەڵام بە پێی دەستووری وڵاتەکە کە بە دەستوورێکی سەربازی دادەنرێت، 25%ـی کورسییەکانی پەرلەمان بۆ فەرماندە سەربازییەکانە.

سوپای میانمار کە بە تاتماداو ناسراوە رایگەیاندووە "ساختەکاری زۆر لە هەڵبژاردن کراوە"، بێ ئەوەی وردەکارییەکان بخاتەڕوو، هەفتەی رابردووش کۆمیسیۆنی هەڵبژاردنی وڵاتەکە دەنگۆی بوونی ساختەکاری رەتکردەوە.

 

 

 

 





ئەم هەواڵە 262جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad