English | عربی | Kurdî دواهەواڵ
ڕاستەوخۆ  
 
فراكسیۆنی پارتی: خوێنی شەهیدان دەبێتە چرایەک كه‌ داهاتووی گەلەکەمان رۆشن دەکاتەوە
2021-02-01 [08:46 AM]

ZNA-هەولێر


ئه‌مڕۆ دووشه‌ممه‌ 1 ى  2 ى 2021 ،  17 ساڵ به‌سه‌ر ته‌قینه‌وه‌كانی یه‌كی شوبات له‌ باره‌گاكانی پارتی و یه‌كێتی له‌ هه‌ولێر تێده‌په‌ڕێت .

17 ساڵ له‌مه‌وبه‌ر و له‌ 1ی شوباتی 2004، له‌ هه‌ریه‌ك له‌ باره‌گاكانی لقی 2ی پارتی دیموكراتی كوردستان و مه‌ڵبه‌ندی 3ی یه‌كێتی نیشتمانی كوردستان، له‌كاتی پێشوازیكردن له‌ میوانان بۆ جه‌ژنه‌ پیرۆزه‌، دوو ته‌قینه‌وه‌ هه‌ردوو باره‌گای لقی دووی  پارتی دیموكراتی كوردستان  و مه‌ڵبه‌ندی سێی یه‌كێتی نیشتیمانی كوردستان به‌ئامانج گرت ، به‌هۆیه‌وه‌ چه‌ندین سه‌ركرده‌ و كادر و هاووڵاتی  له‌هه‌ردوو پارتدا شه‌هید و برینداربوون ،  له‌م یاده‌شدا   فراكسیۆنی پارتی دیموكراتی كوردستان له‌په‌رله‌مانی كوردستان په‌یامێكی بڵاو كرده‌وه. 

ده‌قی راگه‌یاندراو:
په‌یامی فراکسیۆنی پارتی 
دروود بۆ گیانی شەهیدانی کارەساتی یەکی شوبات
لە ساڵڕۆژی کارەساتی یەکی شوباتی 2004دا، فراکسیۆنی پارتی دروود بۆ گیانی شەهیدانی ئەو کارەساتە و هەموو شەهیدانی رێگای رزگاریی کوردستان، دەنێرێت.
تیرۆریستان، کە دژی هەموو بنەما ئاینی و مرۆییەکانن، جەژنی پیرۆزی قوربانیان بە هەلێک زانی بۆ زەفەربردن بە گەلی کوردستان و لەو رۆژەدا دەیان سەرکردە و هەڤاڵی دڵسۆزیان لە هەولێر، شەهید کرد.
تیرۆریستە دڵ و دەروون رەشەکان بە نیازی خۆیان بە شەهیدکردنی پۆلێک سەرکردە و کادیری دیاری کوردستان، پاشەکشە بە گەلی کوردستان لە داواکردنی مافەکانی دەکەن، بەڵام نەیانزانی خوێنی شەهیدان دەبێتە چرایەک و داهاتووی گەلەکەمان رۆشن دەکاتەوە.
لەو یادە غەمناکەدا، بەڵێن بە گیانی شەهیدان دەدەین درێژە بە رێبازەکەیان، کە رێبازی رزگاریی نەتەوەیی گەلەکەمانە، بدەین.
فراکسیۆنی پارتی
لە پەرلەمانی کوردستان





ئەم هەواڵە 514جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad