English | عربی | Kurdî دواهەواڵ
ڕاستەوخۆ  
 
جۆ بایدن: شەڕی شەش ساڵەی یەمەن کۆتایی پێدەهێنین
2021-02-06 [08:33 AM]

​ZNA – هەولێر


جۆ بایدن دەیەوێت جیاواز لە ئیدارەی پێشووی ئەمریکا سیاسەتێکی كاركردنی خۆی لە یەمەن بگۆرێت و وەكو ئیدارەی پێشوونەبێت و جیاواز بێت، یەکەم خاڵی ئەو سیاسەتەش راگرتنی هاوکارییە سەربازییەکانە بۆ سعودیە.

بە گوتەی جۆ بایدن، ئەو شەڕەی یەمەن دەبێت کۆتایی بێت، هەروەها دەلێت، "لەپێناو نیشاندانی پابەندبوونمان، ئێمە کۆتایی بە هەموو هاوکارییەک بۆ ئەنجامدانی هەر هێرشێک لە شەڕی یەمەن دەهێنین، لەوانەش فرۆشتنی چەک، لە هەمان کاتدا کە سعودیە رووبەڕووی هێرشی مووشەکی دەبێتەوە لەلایەن هیزەکانی نزیک لە ئێران، ئێمە پابەندین بەوەی هاوکاری سعودیە بکەین بۆ بەرگریکردن لە سەروەریی خاکی خۆی و گەلەکەی". 

ئیدارەی جۆ بایدن بڕیاریشی داوە چاو بەو بڕیارەی ئیدارەی پێشوودا بخشێنێتەوە کە نیازی هەبوو چەکی پێشکەوتووی ئەمریکی بە سعودیە بفرۆشێت، کەچی یەمەنییەکان هێشتا دوودڵن لە متمانەکردن بە ئەمریکا

سەرباری ئەوەی ئیدارەکەی بایدن دەیەوێت چاو بە بڕیارێکی دیکەی ئیدارەی پێشوودا بخشێنێتەوە کە حوسییەکانی وەک رێکخراوێکی تیرۆیستی ناساندبوو، بەڵام هێشتا باوەڕ بە جۆ بایدن و ئیدارەکەی ناکەن.

فەهمی یوسفی، جێگری وەزیری زانیاریی حکومەتی حوسییەکان لە یەمەن باس لەوە دەکات، "هیوادارین راستگۆیی لایەنی نێودەوڵەتی ببینین، بەڵام ئەوانەی شوێن سیاسەتەکانی ئەمریکا و ناتۆ دەکەون، دەزانن کە راستگۆیی بوونی نییە".

بایدن یەمەنی وەک یەکێک لە کێشە گرنگەکانی جیهان بینی و لە یەکەم گوتاریدا سەبارەت بە سیاسەتی دەرەوەی وڵاتەکەی پلانی خۆی بۆ یەمەن ئاشکرا کرد و گوتی، شەڕی شەش ساڵەی یەمەن کۆتایی پێدەهێنین.

شەڕی ناوخۆیی یەمەن لە ئەیلوولی 2014ەوە دەستیپێکردووە، حوسییەکان کۆنترۆڵی سەنعای پایتەختیان کردووە، لە 2015ـەوە بە سەرکردایەتیی سعودیە هەڵمەتی سەربازی دژ بە حوسییەکان دەستیپێکرد و لە باشووری یەمەن حکومەتێکی دیکەی یەمەنیان دامەزراند.

بەهۆی ئەو شەڕەشەوە تاوەکو ئێستا زیاتر لە 130 هەزار کەس کوژراون کە نزیکەی 13 هەزاریان خەڵکی سڤیلن، ئەمە جگە لە گیانلەدەستدانی نزیکەی 85 هەزار منداڵانی خوار تەمەن پێنج ساڵان بەهۆی برسێتی و نەخۆشییەوە

 

 





ئەم هەواڵە 322جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad