English | عربی | Kurdî دواهەواڵ
ڕاستەوخۆ  
 
ئەمەریكا داوایەك لە حوسیەكانی یەمەن دەكات
2021-02-08 [08:13 AM]

​ZNA – هەولێر


گوتەبێژی وەزارەتی دەرەوەی ئەمریکا داوا لە حوسییەکانی یەمەن دەکات دەستبەجێ هێرش و شەڕ لە ناوخۆی یەمەن راگرن و چی دیکە هێرش نەکەنە سەر خاکی سعودیە، دەڵێت، هێرشەکانیان زیانیان بە خەڵکی سڤیل گەیاندووە.

تێد رایس، گوتەبێژی وەزارەتی دەرەوەی ئەمریکا لە راگەیێندراوێکدا ئاماژە بەوە دەکات، هێرشی حوسییەکان لە ناوخۆ و دەرەوە تەنیا مەینەتی زیاتر بۆ خەڵکی یەمەن زیاد دەکەن".

وەزارەتی دەرەوەی ئەمریکا لە راگەیێندراوەکەیدا، داوا لە حوسییەکان دەکات چیدی کارێک نەکەن ببێتە هۆی ناسەقامگیریی زیاتر، داواش دەکات بەشداربن لە هەوڵەکانی نێردەی تایبەتیی نەتەوە یەکگرتووەکان بۆ ئەوەی ئاشتی بۆ یەمەن بەدەستبێت، دەڵێت لە ئێستا باشتر نییە بۆ ئەوەی کۆتایی بە شەڕی یەمەن بێنین.

ئەمریکا لەسەر دەستی ئیدارەی بایدن هەوڵی جیددی دەستپێکردووە بۆ کۆتاییهێنان بە شەڕی یەمەن، وەزارەتی دەرەوەی ئەمریکا رایگەیاندووە، واشنتن حوسییەکان لە لیستی تیرۆر دەردەهێنێت، هێشتا بڕیارەکە نەچووەتە بواری جێبەجێکردنەوە، وەزیری کاروباری دەرەوەی حوسییەکانی یەمەن پێشوازی لە بڕیارەکە دەکەن.

دۆناڵد ترەمپ، سەرۆکی پێشووی ئەمریکا بەر لەوەی کۆشکی سپی جێبهێڵێت حوسییەکانی خستە لیستی تیرۆرەوە، کە 80٪ـی خاکی یەمەنیان بەدەستەوەیە، بەهۆی ئەم بڕیارەوە گەیاندنی یارمەتی مرۆیی سنووردارکرا و 29 ملیۆن یەمەنی کەوتوونەتە سەر لێواری وشکبوونەوە لە برسان.

 





ئەم هەواڵە 274جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad