English | عربی | Kurdî دواهەواڵ
ڕاستەوخۆ  
 
حەشدی شەعبی ترسی هەیە داعش هێرش بكاتە سەر مەزارگەكان
2021-02-09 [08:22 AM]

ZNA – هەولێر


یاریدەدەری سوپاسالاری حەشدی شەعبی رایگەیاند، داعش كۆتایی نەهاتووە و تەقینەوەكەی بەغدا لە گۆڕەپانی تەیەرانیش پەیامێك بوو بۆ ئیدارەی نوێی ئەمریكا، ئەم گوتەیە دوای ئەوە دێت بەپێی هەواڵێكی دزە پێكراو داعش دەیەوێت هێرش بكاتە سەر مەزارگە شیعەكان شیعەکان.

ئەبو عەلی ئەلبەسری، یاریدەدەری سوپاسالاری حەشدی شەعبی لەبارەی هەڕەشەکانی داعش رایدەگەیێنێت: "رێكخراوی داعش لە عێراق كۆتایی نەهاتووە و ئێستا پەنای بردووەتەبەر شەڕی پارتیزانی، تەقینەوەكەی گۆڕەپانی تەیەرانیش لە ناوەڕاستی شاری بەغدا كە 32 كەس كوژراو و 110 برینداری لێكەوتەوە، پەیامێك بوو بۆ ئیدارەی نوێی ئەمریكا"، هەروەها دەشڵێت: "بەدووریشی نازانین تەقینەوە خۆكوژیەكەی تەیەران لەسەر داوای دەرەكی کرابێت".

بە گوتەی یاریدەدەری سوپاسالاری حەشدی شەعبی، بۆ بەرەنگاربوونەوەی داعش هێزەكانی حەشدی شەعبی لەگەڵ پۆلیسی سنوور لەسەر سنووری سووریان، هەروەها هێزەكانی حەشد لە سنووری رۆژهەڵات و باشووریش جێگیركراون.

شەوی دووشەممە 2021/02/08 هێزێکی زۆر لە شەقامەکانی بەغدای پایتەختی عێراق و کەربەلا بڵاوبوونەوە، بەشێک لە چەکدارانی سەرایا سەلامی سەر بە رەوتی سەدر لە بەغدا و کەربەلا و چەند ناوچەیەکی دیکە رژانە سەر شەقامەکان و جەختیان لەسەر پارێزگارکردن لە پیرۆزییەکان و مەزهەب و مەزارگەکان کردەوە و درووشمی پشتیوانییان بۆ مەقتەدا سەدری رابەری رەوتی سەدر دەگوتەوە.

ساڵح محەممەد عێراقی، كەسێكی نزیک لە موقتەدا سەدر، لە تۆڕی کۆمەڵایەتی بڵاویکردەوە، زانیاریی نیمچە دڵنیایی پێگەیشتووە کە "رێککەوتنێکی بەعسی-داعشی" هەندێک دزەپێکراوان هەیە بۆ هێرشکردنە سەر پیرۆزییەکان لە نەجەف، کەربەلا و بەغدا کە دەیانەوێت پشێوی دروست بکەن

 





ئەم هەواڵە 550جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad