English | عربی | Kurdî دواهەواڵ
ڕاستەوخۆ  
 
لەماوەی سەرۆكایەتی دۆناڵد ترەمپ دا ئیڤانكا و كۆشنەربەسەدان ملیۆن دۆلاریان كۆكردۆتەوە
2021-02-09 [08:36 AM]

​ZNA – هەولێر


تەنها لەماوەی چوار ساڵی سەرۆكایەتی دۆناڵد ترەمپ، كچەكەی زاواكەی ترەمپ كە راوێژکارانی پێشووی کۆشکی سپی بوون، لە دەرەوەی پۆستەکانیان 640 ملیۆن دۆلاریان کۆکردووەتەوە.

بەگوێرەی فەرمانگەیەکی چاودێری و لێکۆڵینەوەی واشنتن، داهاتی سەربەخۆی ئەو دوو هاوژینە لە نێوان 172 ملیۆن تاوەکو 640 ملیۆن دۆلاردا بووە

ئڤانكا ترەمپ و جیرد كۆشنەری هاوسەری، هەردووکیان رەتیانکردەوە هیچ مووچەیەکی حکومی وەربگرن، ئەوەش وەکو هەوڵێک بۆ خۆبەدوورگرتن لە تۆمەتی گەندەڵی و خزمخزمێنە، بەڵام لەگەڵ ئەوەشدا بڕە پارەیەکی باشیان لە رێگەی ترەمپ هوتێلەوە لە واشنتن کۆکردووەتەوە.

بەگوێرەی ئامارەکانی ئەو فەرمانگەیە، ئیڤانکا ترەمپ، لە ساڵی 2017ـەوە 13 ملیۆن دۆلاری لە رێگەی هوتێلەکەوە دەستکەوتووە

لە 2017 تاوەکو 2019 ئیڤانکا ساڵانە چوار ملیۆن دۆلاری لەو هوتێلە کۆکردووەتەوە، بەڵام ساڵی رابردوو ئەو بڕە بۆ ملیۆنێک و 500 هەزار دۆلار دابەزیبوو، ئەوەش بەشێکی بەهۆی پەتای کۆرۆناوە بووە.

بەگوێرەی راپۆرتێکی ئەو فەرمانگە ئەمریکییە، نرخی پشكەکانی ئیڤانکا لەو هوتێلە دابەزینی گەورەی بەخۆوە بینیوە

لە دوای راپۆرتی ئاشکراکردنی سامانیدا، کچە شۆخەکەی ترەمپ نرخی پشکەکانی لەو هوتێلە بە 100 هەزار تاوەکو 250 هەزار دۆلار داناوە، لە کاتێکدا پێشتر بانگەشەی ئەوەی دەکرد نرخی پشکەکانی بگاتە 5 ملیۆن تاوەکو 25 ملیۆن دۆلار.

 





ئەم هەواڵە 571جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad