English | عربی | Kurdî دواهەواڵ
ڕاستەوخۆ  
 
باڵیۆزخانەی ئەمەریکا لە بەغدا ئاگادارییه‌كی بڵاو كرده‌وه‌
2021-02-09 [11:15 AM]

ZNA - هه‌ولێر


 

ئەمڕۆ سێشه‌ممه‌ باڵیۆزخانەی ئەمەریکا لە بەغدا لە تۆڕی کۆمەڵایەتیی فەیسبووک ئاگادارییه‌كی بڵاوكرده‌وه‌ و رایگەیاند، لە چەند رۆژی داهاتوودا زنجیرەیەک تاقیکردنەوە دەکات، تاقیکردنەوەکان ئامێر و چۆنییەتی پەیڕەوکردنی رێوشوێنەکانی حاڵەتی لەناکاو دەگرنەوە و رەنگە ببنە هۆی بێزارکردن، وتیشی، پێشوەختە داوای لێبوردنی لە دانیشتووانی دەوروبەری باڵیۆزخانەکە دەکات.

لە بەشێکی راگەیەندراوەکەدا هاتووە "لە چەند رۆژی داهاتوودا لەئەنجامی تاقیکردنەوەی چەند کەرەستەیەک و رێوشوێنێکی باری لەناکاو، دەنگی زەنگی ئاگادارکردنەوە و دەنگی ژاوەژاوی دیکە دەگەنە دانیشتووانی ناوچەکانی دەوروبەری باڵیۆزخانە. باڵیۆزخانە داوای لێبوردن دەکات بۆ هەربێزارییەک".

تاقیکردنەوەی ئامێری نوێ و راهێنان لەسەر رێوشوینەکانی باری لەناکاو لە باڵیۆزخانەکە لەکاتێکدان، لە ماوەی چەند مانگی رابردوودا بەردەوام بە مووشەک هێرش دەکرایە سەر باڵیۆزخانەکە، هەرچەندە نەبووەتە هۆی گیانلەدەستدان و برینداربوونی کارمەندان و بەردەوامیش مووشەکەکان لەڕێگەی سیستەمی دژەمووشەکیی باڵیۆزخانەکە لەنێوبراون، بەڵام ئەمەریکا هۆشداری دابوو لەئەگەری بەردەوامبوونی هێرشەکان باڵیۆزخانەکەی دادەخات.

ئەمەریکا رێوشوێنی دیکەشی گرتووەتەبەر بۆ پاراستنی باڵیۆزخانەکەی و گیانی کارمەندەکانی، لەوانەش 15ـی کانوونی دووەم/ یەنایەرـی 2021 رایگەیاند نزیکەی 20 ملیۆن دۆلاری بۆ پاڵپشتیکردنی حکومەتی عێراق تەرخان دەکات لەپێناو پاراستنی ناوچەی سەوزی بەغدا.

 





ئەم هەواڵە 382جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad