English | عربی | Kurdî دواهەواڵ
ڕاستەوخۆ  
 
وەزارەتی تەندروستی كاتی گەیشتنی ڤاكسین بۆ عێراق ئاشكرا دەكات
2021-02-14 [07:30 AM]

ZNA - هەولێر


وەزیری تەندروستی عێراق هۆشداری دەدات لە بەرزبوونەوەی ژمارەی تووشبووان بە كۆرۆنا و دەشڵێت، لە كۆتایی مانگی شوباتدا ڤاكسین دەگاتە عێراق.

حەسەن تەمیمی، وەزیری تەندروستی عێراق لە لێدوانێكی رۆژنامەوانیدا رایگەیاند: "لە كۆتایی ئەم مانگەدا ڤاكسین دەگاتە عێراق، بەڵام ناتوانرێت لە قۆناغی یەكەمدا ڤاكیسن بۆ 40 ملیۆن عێراقی دابین بكەین."

وەزیری تەندروستی عێراق گوتیشی: "یەكەم جار ڤاكسین بەو كەسانە دەدرێت كە پێویستیان پێیەتی، وەزارەتیش گرێبەستێك بۆ بەكارخستنەوەی نەخۆشخانەی فێركاریی نەجەف و نەخۆشخانەكانی دیكە لەگەڵ كۆمپانیا جیهانییەكاندا دەکات."

ئەو ئاماژەی بەوەشكرد: "بۆ تاوتوێكردنی هۆكارەكانی زیادبوونی ژمارەی تووشبووانی كۆرۆنا لەگەڵ پارێزگارانی سێ پارێزگا كۆبووەتەوە، بەتایبەتی کە لە ماوەی رابردوودا ژمارەی تووشبون لە پارێزگای نەجەف رووی لە هەڵكشان كردووە."

حەسەن تەمیمی روونیشی كردەوە: "پێویستە لەسەر هاووڵاتییان هۆشیار بن. هەروەها دەبێت گردبوونەوە و بۆنەكانیش قەدەغە بكرێن."

لیژنەی باڵای تەندروستی و سەلامەتی لە عێراق رایگەیاند، لە 18ی شوباتی 2021ـەوە رۆژانە لە کاتژمێر 8 ی ئێوارەوە تاوەکو  5 ی  بەرەبەیان هاتووچۆ قەدەغە دەکرێت، خوێندنی قوتابخانەکان و کۆلێژەکانیش لە هەمان رۆژەوە دەبنە ئەلیکترۆنی.

 

 





ئەم هەواڵە 559جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad