English | عربی | Kurdî دواهەواڵ
ڕاستەوخۆ  
 
ئیسرائیل هێرشی كرده‌ سه‌ر ده‌وروبه‌ری دیمه‌شق
2021-02-15 [01:02 AM]

ZNA - هه‌ولێر


 

فرۆكه‌ جه‌نگییه‌كانی ئیسرائیل هێرشیان كرده‌ سه‌ر چه‌ند ئامانجێك له‌ ده‌وروبه‌ری دیمه‌شقی پایته‌ختی سوریا، لای خۆیه‌وه‌ سوپای سوریاش ڕایگەیاند بەرگری ئاسمانی وڵاتەکە بەسەر ئاسمانی دیمەشقی پایتەختەوە بەرپەرچی دوژمنکارییەکانی ئیسڕائیلی داوەتەوە.

وتەبێژی سوپای ئیسڕائیل کە لەسەر سنووری باکوور مەشقێکی سەربازی کتوپڕیان ئەنجامدا وتی " لێدوان لەسەر هەواڵە بیانیەکان نادات."

ڕاگەیاندنی فەڕمی سوریاش وردەکاری دیکەی نەدا سەبارەت بەو شوێنانەی هێزی ئاسمانی ئیسڕائیل کردوونیەتیە ئامانج.

لە بەیاننامەیەکی سوپای سوریادا هاتووە دەڵێت فڕۆکە سەربازییەکانی ئیسڕائیل " بە موشەک لە گۆلانی داگیرکراوی سوریا و جەلیلەوە موشەکیان بە ئاڕاستەی کۆمەڵێک شوێنی دەوروبەری شاری دیمەشق هەڵداوە، بەرگری ئاسمانیمان توانیویەتی بەرپەرچی زۆرێک لە موشەکەکان بداتەوە." بەڵام لە بەیاننامەکەدا ئاماژە بە کەوتنەوەی زیانی گیانی نەدراوە.

بەرپرسانی ئیسڕائیل هەمیشە دانیان بەوەداناوە هێرشی ئاسمانیان لە ناو سوریادا ئەنجامداوە بەمەبەستی کۆتای هێنان بە بوونی سەربازی ئێران لەو وڵاتەدا.

سەرۆک ئەرکانی سوپای ئیسڕائیل ئاڤیڤ کوخاڤی لە کۆتای ساڵی ڕابردوودا وتی هێرشە موشەکییەکانی ئیسڕائیل " لەنگەرگرتنی بوونی ئێرانییان لە سوریا خاو کردۆتەوە." ئەوەش لەڕێی بۆردومانکردنی زیاتر لە 500 ئامانج لە ساڵی 2020 دا.

سوپای ئیسڕائیل وتیشی لەمیانەی مەشقە کتوپڕەکەدا کە تاوەکو ڕۆژی چوارشەممە بەردەوام دەبێت، هاتوچۆی فڕۆکەکان زیاد دەبێت و هەروەها ئەگەری ئەوە هەیە خەڵکەکە گوێیان لە دەنگی تەقینەوە بێت لە باکووری ئیسڕائیل.

 





ئەم هەواڵە 385جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad