English | عربی | Kurdî دواهەواڵ
ڕاستەوخۆ  
 
بۆیەكەم جار سعودیە بەچەند مەرجێك ڕێگە دەدات ئافرەتان بچنە ڕیزی سوپا و ببنە سەرباز
2021-02-21 [08:19 AM]

ZNA – هەولێر


بە بڕیارێکی وەزارەتی بەرگری سعوودییە، لەمەودوا ئافرەتان دەتوانن بچنە ریزی سوپا و خزمەت بکەن، بەڵام چەند مەرجێكی داناوە دەبێت خاوەنی ئەو مەرجانەبن ئینجا دەتوانن ببنە سەربازی ووڵات.

بەگوێرەی بڕیارەکە، ئافرەتان دەتوانن وەک سەرباز خزمەت بکەن، بەڵام بەرزترین پلە، پلەی ملازمی دەبێت بۆیان، هەروەها دەتوانن لە ریزەکانی سوپا، هێزی ئاسمانی و دەریایی و مووشەکیی و پزیشکی سەربازیی خزمەت بکەن.

جیا لەوەی خانمان دەبێت خاوەن مێژوویەکی پاک بن لە تاوان و لە رووی تەندروستییەوە شیاو بن، هەروەها دەشبێت تەمەنیان لە نێوان 21 بۆ 44 ساڵ بێت و باڵایان لە 155 سانتیمەتر کەمتر نەبێت.

جیا لەوەش، دەبێت کەسەکە لانی کەم خاوەن بڕوانامەی دواناوەندی بێت و هاوسەرگیریی لەگەڵ کەسێک نەکردبێت کە سعوودی نییە.

سعوودییە چەند چاکسازییەکی لە یاساکانی وڵاتەکەی سەبارەت بە خانمان کردووە، دیارترینیان، وەرگرتنی مۆڵەت شۆفێری و مافی گەشتکردنە به‌ ته‌نها.

سعوودییە 127 هەزارو پێنج سەد سەربازی هەیە، لەوانە 110 هەزار سەربازی وشكانی و 20 هەزار سەربازی ئاسمانی و 13 هەزارو پێنج سەد سەربازی ئاوی و 16 هەزار لەبەرگری ئاسمانی 2500 سەربازیش لە موشەكی ستراتیژیە، لەگەڵ سەربازانی یەدەگی ووڵات دەگاتە 255 هەزار سەرباز.

 





ئەم هەواڵە 406جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad