English | عربی | Kurdî دواهەواڵ
ڕاستەوخۆ  
 
هادی عامری و موقتەدا سەدر لەسەر بۆردومانكردنی ناوچەی سەوز هاتنە دەنگ
2021-02-23 [07:30 AM]

ZNA – هەولێر


هادی عامری و موقتەدا سەدر، لەسەر بۆردوومانە مووشەکییەکەی ئەمشەوی ناوچەی سەوزی بەغدا هاتنە دەنگ و داوایان لە حکومەت کرد بە ئەرکی خۆی هەڵبستێت.

لە راگەیێندراوێکدا، هادی عامری سەرۆکی هاوپەیمانی فەتح رایگەیاند، بە تووندی بۆردوومانکردنی نێردە دیپلۆماسییەکان و توقاندنی مەدەنی سەرکۆنە دەکەین، "کارێکی بێ پاساوە لەژێر هەر ناو و پاساوێک بێت، لەسەر دەزگا ئەمنییەکان پێویستە ئەرکی خۆیان ئەنجام بدەن لە پاراستنی نێردە دیپلۆماسییەکان".

سەرۆکی هاوپەیمانی فەتح جەختی لەوەکردووەتەوە، پێویستە حکومەت بە بەرپرسیاریەتی خۆی هەڵبستێت و پارێزگاری لە شکۆی دەزگا ئەمنییەکان بکات بۆ ئەوەی ئەرکی خۆیان بە باشترین شێوە ئەنجام بدەن. 

هەروەها موقتەدا سەدر، رێبەری رەوتی سەدر لە تویتێکدا رایگەیاندووە، بەکارهێنانی چەک، بۆردوومان و بە ئامانجکردنی بارەگا دیپلۆماسییەکان لە عێراق زیاد و گەورەتر دەبێت، ئەمەش هەڕەشەی بۆ سەر گیانی هاووڵاتیانی سڤیلی عێراقی و شکۆی دەوڵەت زیاتر و زیاتر کردووە، دەشپرسێت، کێ بەرپرچیان دەداتەوە، یاخود کێ خۆیان و کردەوەکانیان ئاشکرادەکات. "لەسەر حکومەتیش پێویستە دەستەوەستان نەبێت". 

شانەی راگەیاندنی ئەمنی عێراق لە دووەمین راگەیێندراوی لەبارەی هێرشە مووشەکەی ئێوارەی دوێنێ سەر ناوچەی سەوز  راگەیاند، لە میانەی وردبینیکردنیان دەرکەوتووە، سێ مووشەک کەوتوونەتەخوارەوە، دوو مووشەکیان لە ناوچەی سەوز و سێیەمینیان لە ناوچەی حارسییە کەوتوونەتەوە. مووشەکەکان لە گەڕەکی سەلام (تۆپچی)ـەوە ئاراستەکراون و بەهۆیەوە زیان بە چوار ئۆتۆمبێلی سڤیل کەوتووە.

شانەی راگەیاندنی ئەمنی عێراق ئاماژەی بەوەشکردووە، سەکۆی ئەو مووشەکانەش لەلایەن فەرماندەیی ئۆپەراسیۆنە هاوبەشەکانی بەغدا دۆزراونەتەوە. 

 

 





ئەم هەواڵە 319جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad