English | عربی | Kurdî دواهەواڵ
ڕاستەوخۆ  
 
بیڵ گەیتس:ئامۆژگاری خەڵک دەکات روو نەکەنە کڕینی دراوە دیجیتاڵییەكان
2021-02-27 [07:52 AM]

ZNA_ هەولێر


دامەزرێنەری کۆمپانیای مایکرۆسۆفت و یەکێک لە دەوڵەمەندترین مرۆڤەکانی جیهان دژی دراوی بیتکۆین وەستاوە و ئامۆژگاری خەڵک دەکات روو نەکەنە کڕینی ئەو دراوە دیجیتاڵییە. 
بیڵ گەیتس لە بەرنامەیەکی تەلەفزیۆنیدا رایگەیاند: ئەگەر کەمتر لە ئیلۆن مەسک پارەت هەبوو نابێت بیتکۆین بکڕیت وەک هۆشدارییەک بەو وەبەرهێنەرە بچووکانەی کە ئەم رۆژانە مامەڵە بە دراوی بیتکۆینەوە دەکەن. 

ئەو بازرگانە ئەمریکییە گرنگییەکی زۆر بە ژینگە دەدات و یەکێک لە هۆکارەکانی کە کڕینی بیتکۆینی پێباش نییە ئەوەیە پرۆسەی دروستکردنی بیتکۆین کارەبا و وزەیەکی زۆری دەوێت و بەرهەمهێنانی کارەبایەکی زیاتریش دەبێتە هۆی پیسبوونی ژینگە

لە ساڵی رابردووەوە تاوەکو ئێستا بەهای بیتکۆین بەڕێژەی 400٪ بەرزبووەتەوە، ئەوەش بووەتە هۆکارێک کە بەشێک لە خەڵکی ئاسایی و وەبەرهێنەری بچووک و گەورەکان روو لە کڕینی دراوە دیجیتاڵییەکان بکەن.

لە ئاستی کۆمپانیاکاندا ئیلۆن مەسک، خاوەنی کۆمپانیای تێسلا ئەم مانگە 1 ملیار و 500 ملیۆن دۆلار بیتکۆینی کڕی و بەو هۆیەشەوە بووە هۆکاری بەرزبوونەوەی بەهای ئەو دراوە دیجیتاڵییە. 

بەپێی راپۆرتی بلوومبێرگ مەسک خاوەنی 189 ملیار دۆلارە، دوای کڕینی بیتکۆین بووە هۆی بەرزبوونەوەی بەهای بیتکۆین لە ماوەیەکی کەمدا، هەرچەندە دواتر لە تویتێکدا ئاماژەی بەوە کرد، "بەهای بیتکۆین و ئیسیریەم "جۆرێک دراوی دیجیتاڵی"زۆر بەرزە"، ئەو تویتەی مەسک بووە هۆی دابەزینی بەهای بیتکۆین بەرێژەی 13٪. 





ئەم هەواڵە 229جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad