English | عربی | Kurdî دواهەواڵ
ڕاستەوخۆ  
 
جۆبایدن: هێرشەكەی سەر ئەلبوكەمالی سوریا بەرگریكردن بووە لەئەمەریكا
2021-02-28 [08:37 AM]

​ZNA – هەولێر


 

بایدن سەرۆكی ویلایەتە یەكگرتووەكانی ئەمەریكا نامەیەكی تایبەتی بۆ كۆنگرێسی ئەمەریكا ناردووە و جەختی لەوە كردۆتەوە هێرشەكان بۆ بەرگریكردن بووە لە ئەمەریكا.

جۆ بایدن، سەرۆکی ویلایەتە یەکگرتووەکانی ئەمریکا لە نامەیەکیدا بۆ کۆنگرێس تایبەت بە هێرشەکانی رۆژی هەینی رایگەیاندووە، هێرشەکان بۆ بەرگریکردن لە ئەمریکا بوون، کە بە "مافی بنچینەیی" خۆیانی دەزانێ. بایدن لێدوانەکانی گوتەبێژی وەزارەتی بەرگریی ئەمریکاش جەختلێدەکاتەوە کە "ئەو هێرشە دژی ئەو میلیشیایانە بووە ئێران پاڵپشتییان دەکات".

نامەکەی جۆ بایدن بۆ کۆنگرێس لە چوارچێوەی هەوڵی سەرۆکی ئەمریکا دێت بۆ شرۆڤەکردنی هۆکاری ئەنجامدانی هێرشەکان، ئەوەش لەدوای رەخنەی بەشێک لە دیموکراتەکان لە ئۆپەراسیۆنە سەربازییەکە و بە بەزاندنی سنووری کۆنگرێس بە سوودی دەسەڵاتی سەرۆکایەتیی ئەمریکا ناویان بردبوو.

بایدن لە نامەکەدا نووسیویەتی: "بە فەرمانی من رۆژی 25ی شووباتی 2021، هێزەکانی ویلایەتە یەکگرتووەکانی ئەمریکا ژێرخانی پێگەیەکی تایبەت بە میلیشیا چەکدارەکانی پاڵپشتیکراوی ئێرانیان کردە ئامانج". هەروەها نووسیویەتی: "ئەو میلیشیایانە دەستیان هەبووە لە هێرشکردنە سەر سەرباز و ستافی ئەمریکی و هاوپەیمانەکانیان لە عێراق و لەنێویاندا هێرشەکانی سەر هەولێر و بەهۆیانەوە ئەندامێکی تیمە سەربازییەکانی ئەمریکا و چوار بەڵێندەری ئەمریکی برینداربوون".

بەرەبەیانی رۆژی هەینی هێرشەکەی ئەمریکا لە ئەلبوکەمال ئەنجامدرا، جۆن کێربی، گوتەبێژی وەزارەتی بەرگریی ئەمریکا (پێنتاگۆن) شەوەکەی کۆنفرانسێکی رۆژنامەڤانیی سازکرد و زیاتر لە 40 خولەک روونکردنەوەی دایە رۆژنامەڤانان لەبارەی ئەو هێرشە. لەبارەی شێوازی هێرشەکە گوتی: "دوو فڕۆکەی جۆری ئێف 15 سترایک ئیگڵز حەوت مووشەکی ئاراستەکراویان خستەخوارەوە و لە ئەنجامدا 9 پێگەیان بە تەواوی وێرانکرد و زیانیشیان بە دوو پێگە گەیاند".

 

 





ئەم هەواڵە 331جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad