English | عربی | Kurdî دواهەواڵ
ڕاستەوخۆ  
 
گروپێکی چەکدار لە رۆژهەڵاتی ئێران هێرشی کردە سەر سوپای پاسداران
2021-03-02 [08:05 AM]

ZNA - هەولێر


هێزە ئەمنیەکانی سەر بە سوپای پاسدارانی ئێران لە پارێزگای بەلووچستان لە رۆژهەڵاتی ئێران کەوتنە بە هێرشی گروپێکی چەکداری بەلووچ.

محەمە هادی مەرعەشی، جێگری بەڕێوەبەرایتیی ئەمنیی- ئینتزامیی پارێزگای بەلووچستان رۆژی سێ‌شەممە٢ی ئازار رایگەیاند چەکدارانی دژی حکومەت ئێواری ئەمڕۆ هێرشیان کردووەتە سەر ئۆتۆمبێلی یەکەی ئاندازیاریی سوپای پاسداران.

مەرعەشی بە ئاژانسی هەواڵی رادیۆ و تەلەفزیۆنی ئێرانی گوتووە هیرشەکە لە ناوچەی "کوشتگان"ی شاری "سەراوان" رووی  داوە.

شاری سەراوان دەکەوێتە پارێزگای بەلووچستانی ئێران و لە ماوەی هەفتەی رابردوودا بە هۆی کوژرانی چەند کاسبکارێک لەلایەن هێزەکانی حکومەتەوە بوو بە مەیدانی تێکهەڵچوونی خەڵک و دانیشتووانی شارەکە.

گروپی جەیشولعەدل کە دەگوترێت ئەم هێرشەی دوایی بۆ سەر سوپای پاسداران ئەنجام داوە، خۆی وەک هەڵگری دروشمی مافی مسوڵمانانی سوننە و نەتەوەی بەلووچ دەناسێنیت.

هەتا کاتی ئامادە کردنی ئەم هەواڵە ژمارەی دروستی زیانی سوپای پاسداران لەم هێرشەدا بڵاو نەکراوەتەوە، بەڵام بە گوێرەی هەواڵی‌ پشت‌ڕاست نەکراوە چەند ئەندامێکی پاسداران کوژراون و چەند کەسێکیشیان رفێنراون.

 





ئەم هەواڵە 262جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad