English | عربی | Kurdî دواهەواڵ
ڕاستەوخۆ  
 
سەرۆکی دەزگای دادی ئێران: پێویستە بازاڕچە مەرزییەکان کارا بکرێنەوە
2021-03-04 [11:20 AM]

ZNA - هه‌ولێر


 

ئه‌مڕۆ پێنجشەمە ئایەتوڵڵا ڕەئیسی سەرۆکی دەزگای دادی ئێران کە بە سەردانێک گەیشته‌ پارێزگای ئازەربایجانی ڕۆژئاوا لە لێدوانێکدا ئاماژەی بە کارتێکەریی کاراکردنەوەی سنوورەکان لە سەر ئەمن و ئاسایشی ئابووریی وڵات کرد و ڕایگەیاند پێویستە بۆ ئاسایشی سەقامگیری باکووری ڕۆژئاوای ئێران بازاڕچە سنوورییەکان کارا بکرێنەوە.

سەرۆکی دەزگای دادی ئێران گوتیشی ئەمن و ئاسایش ئەو کاتە مانای دەبێت کە بەشێوەیێکی سەقامگیر دەستەبەر بکرێت بۆیە بۆ دابین کردنی بژێوی هاووڵاتییان و هەروەها دەستخستنی ئاسایشی ناوچەکە پێویستە سنوورەکان کارا بکرێنەوە.

ڕەئیسی زیادیشی کرد: ئەمن و ئاسایشی سەقامگیر بەستراوە بە مامەڵەکردنی ئیجابیی نێوان هاووڵاتییان و هێزە ئەمنییەکان بۆیە بەو مەبەستەش پێویستە هاوکاری و تەعامولی نێوانیان زیاد بکات.

سەرۆکی دەزگای دادی ئێران دووپاتی کردەوە کە دەستەبەرکردنی ئەمنی ناوچەکە بەستراوە بە دەستەبەرکردنی بژێوی ژیانی هاووڵاتییانەوە بۆیە پێشخستنی ئابووری هاووڵاتییان بابەتێکی گرینگە.

شایانی باسە ئایەتوڵڵا ڕەئیسی سەرۆکی دەزگای دادی ئێران سەرلەبەیانیی ئەمڕۆ بە سەردانێک گەیشتبووە پارێزگای ئازەربایجانی ڕۆژئاوا.

 

کوردپرێس





ئەم هەواڵە 820جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad