English | عربی | Kurdî دواهەواڵ
ڕاستەوخۆ  
 
رۆحانی: سوورین لەسەر كاری هاوبەش لەگەڵ ئاژانسی ووزەی ئەتۆمی
2021-03-08 [08:00 AM]

ZNA – هەولێر


سەرۆك كۆماری ئێران، جەختی لە بەردەوامی ھەماھەنگییەكانی نێوان وڵاتەكەی لەگەڵ ئاژانسی نێودەوڵەتی وزەی ئەتۆم دەكاتەوە.

لە تارانی پایتەختی ئێران، حەسەن روحانی لەگەڵ سایمەن كاڤەنی وەزیری دەرەوەی ئێرلەندا كۆبۆوە، لەكۆبوونەوەكەدا  پرسی رێككەوتننامەی ئەتۆمی و ھەماھەنگییەكانیان لەگەڵ ئاژانسی نێودەوڵەتی وزەی ئەتۆم باس كرا.

روحانی، باسی لە كشانەوەی وڵاتەكەی لە پڕۆتۆكۆلی رێككەوتننامەی رێگرییكردن لە بڵاوبوونەوەی چەكی ئەتۆمی كرد كە لە ساڵی ٢٠١٦ەوە بە ویستی خۆیان بەشدارییان تیادا كردبوو و كاری پێدەكرا بەڵام لە ئێستادا هه‌ڵپه‌سێردراوه‌.

سەرۆك كۆماری ئێران ئاشكراشیكرد: لەپێناو ئەنجامدانی ئەركەكانی ئاژانسی نێودەوڵەتی وزەی ئەتۆم ئەوان سوورن لەسەر كاری ھاوبەش لەگەڵ ئاژانسەكە.

رۆحانی گوتیشی،  پێویستە ئەنجوومەنی ئاسایشی سەربە نەتەوەیەكگرتووەكان دژ بە كارەكانی ئیداره‌ی پێشووی ئەمریكا بوەستێتەوە و ئێران بۆ چارەسەر كردنی قەیرانەكانی ناوچەكە ئامادەیە ھەماھەنگی لەگەڵ رێكخراوە نێودەوڵەتییەكان بكات، باشترین چارەسەریش بۆ كێشەكان دانوستان و دووركەوتنەوەیه‌ لە ھەموو ھەڕەشه‌ و فشاره‌كان.

 





ئەم هەواڵە 211جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad