English | عربی | Kurdî دواهەواڵ
ڕاستەوخۆ  
 
ئەمڕۆ دەمیرتاش دەچێتە بەردەم دادوەر
2021-03-16 [07:18 AM]

​ZNA – هەولێر


ئەمڕۆ سەڵاحەدین دەمیرتاش، هاوسەرۆکی پێشووتری پارتی دیموکراتی گەلان (هەدەپە) دەچێتە بەردەم دادوەر، ئەمەش دوای داواکاریی دادگای مافی مرۆڤی ئەوروپا دێت كە داوای لە توركیا كردبوو ئازادی بكات.

 

بڕیارە ئەمڕۆ سێشەممە 16ی ئاداری 2021، دانیشتنی دادگایی دەمیرتاش لە 19یەمین دادگای سزا قورسەکانی ئەنقەرە بەڕێوەبچێت، دەمیرتاش لە گرتووخانەی ئەدەرنەوە بەشێوەی دەنگ و رەنگ بەشدار دەبێت، دادگاییکردنەکەی تاوەكو سبەی چوارشەممە بەردەوام دەبێت

 

رۆژی 12ی ئاداری 2021 دادگای مافی مرۆڤی ئەوروپا داوای دەستبەجێ ئازادکردنی دەمیرتاشی کرد، پێشتریش چەند جارێک ئەو دادگا ئەوروپییە هەمان داواکاریی ئاراستەی تورکیا کردووە، بەڵام تورکیا سەرەڕای واژۆکردنی بەڵێننامەی مافی مرۆڤی ئەوروپا، بریارەکە بە سیاسی دەزانێت و جێبەجێی نەکردووە.

 

دادگەی مافەکانی مرۆڤی ئەوروپا پێشتریش رۆژی 22ـی کانوونی یەکەمی 2020 رایگەیاند:"هیچ بەڵگەیەکی بەرجەستە نییە بۆ ئەوەی سەلاحەدین دەمیرتاش بە تۆمەتی تیرۆر سزا بدرێت"، و رایگەیاند، بڕیاری هێشتنەوەی دەمیرتاش لە زیندان پاڵنەری سیاسی لەپشتە، دادگەی مافەکانی مرۆڤی ئەوروپا داوای لە حکومەتی تورکیا کردبوو بە 3500 یۆرۆ قەرەبووی ماددی و 25 هەزار یۆرۆ قەرەبووی مەعنەوی دەمیرتاش بکاتەوە و خەرجییەکانی دادگەش بدات کە 31 هەزار و 900 یۆرۆیە.  

 

سەڵاحەدین دەمیرتاش، هاوسەرۆکی پێشووتری هەدەپە لە چوارچێوەی لێکۆڵینەوەکانی تیرۆر لە 4ی تشرینی دووەمی 2016 ەوە دەستگیرکراوە و زیاتر لە 4 ساڵە لە گرتووخانەی ئەدەرنەیە.

 





ئەم هەواڵە 238جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad