English | عربی | Kurdî دواهەواڵ
ڕاستەوخۆ  
 
رێکخراوی تەندروستیی جیهانی داوادەکات وڵاتان بەردەوام بن لە بەکارهێنانی ڤاکسینی ئاسترازینیکا
2021-03-16 [10:19 AM]

ZNA ــ هەولێر


رێکخراوی تەندروستیی جیهانی رایدەگەیێنێت دەبێت وڵاتان بەردەوام بن لە بەکارهێنانی ڤاکسینی ئاسترازینیکا ئەمە لەکاتێکدایە ژمارەی ئەو وڵاتانەی بڕیاری راگرتنی ڤاکسینەکە دەدەن زیاددەکات.

د. تێدرۆس ئادهانۆم، سەرۆکی رێکخراوی تەندروستیی جیهانی لە کۆنفرانسێکی رۆژنامەڤانیدا گووتی، دوای تۆمارکردنی چەند حاڵەتێکی کڵۆبوونی خوێن، ژمارەیەک وڵات، ڤاکسینی ئاسترازینیکایان راگرتووە ئەمەش وەک هەنگاوێکی وریایی پێشوەختە، ئەم حاڵەتانەی روودەدەن مانای ئەوە نییە کە ڤاکسینەکە هۆکاربووە.

سەرۆکی رێکخراوی تەندروستیی جیهانی روونیدەکاتەوە دەستیان بە لێکۆڵینەوەکان کردووە بەڵام ئەوان رێنماییدەدەن بەوەی بەکارهێنانی ڤاکسینەکە بەردەوام بێت.

هاوکات د. ماریانجێلا سیامۆ، یاریدەدەری بەشی دەرمان، ڤاکسین و بەرهەمە دەرمانییەکان لە تەندروستیی جیهانی دەڵێت، زیاتر لە 17 ملیۆن ژەمە پێکوتەی کۆمپانیای ئاسترازینیکا لە بەریتانیا و تەواوی ئەوروپا دابەشکراون و هیچ کاریگەرییەکی نەرێنی ئەوتۆی نەبووە.

رێکخراوی تەندروستیی جیهانی دەڵێت، سوود و قازانجی بەکارهێنانی ڤاکسینی ئاسترازینیکا زیاترن لە زیانەکانی بۆیە پێویستە بەکاربهێندرێت.





ئەم هەواڵە 490جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad