English | عربی | Kurdî دواهەواڵ
ڕاستەوخۆ  
 
پلاندانانی عێراق: %٢٥ـی دانیشتووانی عێراق ھەژارن
2021-03-16 [12:26 PM]

ZNA-هەولێر


وەزارەتی پلاندانانی عێراق رایدەگەیەنێت، %25ـی دانیشتووانی وڵاتەکەی، هەژارن.

ئەمڕۆ سێشەممە 16-3-2021، عەبدولزەهرە هینداوی، گوتەبێژی وەزارەتی پلاندانانی عێراق بە میدیاکانی وڵاتەکەی راگەیاندووە، لە شەش مانگی یەکەمی ساڵی 2020، رێژەی هەژاری لە عێراق گەیشتە نزیکەی %32ـی دانیشتووان، بەڵام ئێستا کەم بووەتەوە بۆ %25ـی دانیشتووان.

عەبدولزەهرە هینداوی ژمارەی هەژارانی عێراقی ئاشکرا کردووە و رایگەیاندووە، نزیکەی 10 ملیۆن هاووڵاتیی عێراق هەژارن.

گوتەبێژی وەزارەتی پلاندانان لەبارەی سەرژمێریی دانیشتووانی عێراق و هەرێمی کوردستان، رایگەیاندووە، وەزارەتەکەی بەردەوامە لە ئامادەکارییەکان بۆ سەرژمێریی دانیشتووان، بەڵام ئەنجامدانی سەرژمێری بەندە بە دوو هۆکار، کە بریتین لە؛

- نەمانی پەتای کۆرۆنا

- دیاریکردنی پارە بۆ ئەنجامدانی

هەژاریی یەک لەسەر چواری دانیشتووانی عێراق لەکاتێک دایە، کە عێراق وڵاتێکی سەرەکیی بەرهەمهێنەر و هەناردەکاری نەوتی جیهانە و بەپێی دوایین راپۆرتی رێکخراوی هەناردەکارانی نەوت (ئۆپیک)یش، عێراق لە مانگی 2ـی ئەمساڵ دووەم گەورەترین هەناردەکاری نەوت بوو لە جیهان.





ئەم هەواڵە 385جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad