English | عربی | Kurdî دواهەواڵ
ڕاستەوخۆ  
 
کۆریای باکوور: هەوڵەکانی ئەمەریکا بۆ پەیوەندیکردن بە وڵاتەکەوە پشتگوێ دەخات
2021-03-18 [11:02 AM]

ZNA - هه‌ولێر


 

دەزگای هەواڵی یۆنهابی کۆریای باشوور بڵاویکردەوە کۆریای باکوور ڕایگەیاندووە سەرجەم هەوڵەکانی ئەمەریکا بۆ پەیوەندیکردن بە وڵاتەکەوە پشتگوێ دەخات، ئەمە لەکاتێکدا ئەگەر واشنتن " دەستبەرداری سیاسەتە دوژمنکارییەکەی " بەرامبەر پیۆنگیانگ نەبێت.

جێگری یەکەمی وەزیری دەرەوەی کۆریای باکوور چوی سون لە لێدوانێکدا کە دەزگای هەواڵی کۆریای باکوور بڵاویکردۆتەوە دەڵێت، "هیچ پەیوەندی و گفتوگۆیەک لەنێوان کۆماری گەلی دیموکراتی کۆریا و ئەمەریکادا ڕوونادات تاوەکو ئەمەریکا کۆتایی بە سیاسەتە دوژمنکارییەکەی بەرامبەر پیۆنگیانگ نەهێنێت."

وتیشی، " لەبەرئەوە لە پشتگوێخستنی ئەم جۆرە هەوڵانە لەلایەن ئەمەریکاوە بەردەوام دەبین."

ئەم هۆشیاریدانەی پیۆنگیانگ لەکاتێکدایە هەردوو وەزیری دەرەوە و بەرگری ئەمەریکا ئەنتۆنی بلینکن و لوەید ئۆستن بە سەردانێک لە سیئۆلی پایتەختی کۆریای باشوورن.

کۆریای باشوور دووەم وێستگەی سەردانەکانی دوو وەزیرە ئەمەریکیەکەیە بۆ ناوچەکە، مەبەست لە سەردانەکەشیان بۆ ناوچەکە پتەوکردنی پەیوەندییەکانی ئەمەریکایە لەگەڵ هاوپەیمانەکانیدا دژی کۆریای باکوور و زیادبوونی دەسەڵاتەکانی چین لە ناوچەکەدا.

ڕۆژی چوارشەممە وەزیری دەرەوە و بەرگری ئەمەریکا چاویان بە هاوتاکانیان کەوت لە کۆریای باشوور و وابڕیارە ڕۆژی پێنجشەممە لەگەڵ سەرۆکی کۆریای باشوور مون جەی ئیندا کۆببنەوە.

 

سه‌رچاوه‌: voa





ئەم هەواڵە 244جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad