English | عربی | Kurdî دواهەواڵ
ڕاستەوخۆ  
 
كۆمسیۆنی هه‌ڵبژاردنه‌كان: ئاماده‌كاریمان كردووه‌ بۆ به‌رێوه‌بردنی هه‌ڵبژاردنه‌كان له‌ كاتی خۆی
2021-03-22 [09:10 AM]

ZNA- هەولێر


كۆمسیۆنی باڵای هه‌ڵبژاردنه‌كانی عێراق ئه‌مڕۆ دووشه‌ممه‌ ئاماده‌یی خۆی بۆ به‌رێوه‌بردنی هه‌ڵبژاردنه‌كان له‌ مانگی تشرینی یه‌كه‌م ده‌ربڕی.

جومانه‌ غه‌لای وته‌بێژی كۆمیسیۆنی باڵای هه‌ڵبژاردنه‌كانی عێراق رایگه‌یاند: كۆمسیۆن خشته‌ی كاتی دیاریكردووه‌ به‌مه‌به‌ستی ئاماده‌كاری بۆ هه‌ڵبژاردنه‌كان له‌ رۆژی 10ی تشرینی یه‌كه‌می دوو هه‌زار و بیست و یه‌ك، تاوه‌كو له‌واده‌ی دیاریكراوی خۆیدا به‌ڕێوه‌بچێت.

گوتیشی، له‌ مانگی كانوونی دووه‌می ئه‌مساڵه‌وه‌ كۆمسیۆن ده‌ستیكردووه‌ به‌ نوێكردنه‌وه‌ی تۆماری ده‌نگده‌ران و دابه‌شكردنی كارتی بایۆمه‌تری، هه‌روه‌ها ده‌ستیشكراوه‌ به‌ وه‌رگرتنی داواكاری بۆ تۆماركردنی هاوپه‌یمانی سیاسی و لیستی كاندیده‌كان.

وته‌بێژی كۆمسیۆنی هه‌ڵبژاردنه‌كان ئاماژه‌ی به‌وه‌شكرد، چه‌ند نموونه‌یه‌كیان له‌ كارتی ده‌نگدان ئاماده‌كردووه‌ و بۆ ئه‌م مه‌به‌سته‌ش ره‌زامه‌ندی كۆمپانیای دروستكه‌ری كارته‌كه‌ وه‌رگیراوه‌، هه‌روه‌ها هه‌ماهه‌نگی له‌گه‌ڵ كۆمپانیای میرۆی كۆری كراوه‌، بۆ راهێنان به‌ فه‌رمانبه‌ره‌كانی كۆمسیۆن به‌مه‌به‌ستی چاككردنه‌وه‌ و ئاماده‌كردنی ئامێره‌ ئه‌لیكترۆنیه‌كانی تایبه‌ت به‌ ده‌نگدان.





ئەم هەواڵە 448جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad