English | عربی | Kurdî دواهەواڵ
ڕاستەوخۆ  
 
ئەگەر غودەتان تەمبەڵە زوو چارەسەری بكەن
2021-03-22 [10:15 AM]

ZNA ــ هەولێر


 

هەركاتێك غودەی تەمەڵ (سستی غودەی دەرەقی) دەستنیشان كرا پێویستە زوو چارەسەر بكرێ ئەگەرنا كۆمەڵێك گرفتی تەندروستی تووشی نەخۆشەكە دەكات.

(د. داهات جەمال حەوێزی) پزیشكی پسپۆڕی نەخۆشییەكانی هەناوی و شەكرە ئەو مەترسییانە ڕوون دەكاتەوەو ئاماژە بەوەدەدات كە گەورەبوون و ئاوسانی غودەی دەرەقی لە بەشی پێشەوەی مل لەوانەیە ببێتە هۆی ناڕەحەتی و هەناسە تووندی و گران قوتدانی خواردن، جگە لەوەی لەڕووی شكڵەوە ناشرین دەبێت هەر بۆیە چارەسەر نەكردنی غودەی تەمەڵ لەوانەیە ببێتە هۆی بەرزبونەوەی چەوری دڵ و چەوری سەرجگەرو گیرانی بۆڕیەكانی دڵ و گرژبونی ماسولكەی دڵ و بەرزبوونەوەی زەخت و خاوبوونەوەی لێدانی دڵ و سست بوونی دڵ.

(د. داهات جەمال) دەشڵێت: یەكێك لە هۆكارە گرنگەكانی قەڵەوی بریتیە لە غودەی تەمەڵ و ئەگەر كەسەكە هەوڵی خۆلاوازكردنیش بدات، ناتوانێ تاكو چارەسەری غودەكەی نەكات، پشتگوێ خستنی چارەسەری لەو كەسانەی غودەی تەمەڵیان هەیە لەوانەیە دایمە هەست بە ئاوساوی قاچ و ڕووخسارو سڕبوون و مێرولە كردنی پەلەكان بكەن.

(د. داهات جەمال) ئاماژە بەوەشدەدات كە: غودەی تەمەڵ لەوانەیە ببێتە هۆی نەزۆكی لە ئافرەتان و پیاوان، ئافرەتانی سكپڕ ئەگەر چارەسەری غودەی تەمەڵەكەیان نەكەن لەوانەیە ببێتە هۆی تێكچونی ئەندامەكانی جەستەو لەدایكبوونی پێشوەخت و لەبارچوون.

ئەو پزیشكەیە جەختدەكاتەوە كە غودەی تەمەڵ پێویستە چارەسەر بكرێ، چونكە دەبێتە هۆی هەندێ حاڵەت درێژخایەنی وەكو كەم خوێنی و قەبزی و قژەڵوەرین، ئەگەر كەسی نەخۆش چارەسەر وەرنەگرێ لەوانەیە ببێتە هۆی زۆر خەوی و تێكچوونی میزاج و دڵتەنگی و خەمۆكی.





ئەم هەواڵە 364جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad