English | عربی | Kurdî دواهەواڵ
ڕاستەوخۆ  
 
عیراقێ بەرەف کیڤە؟
2021-03-25 [02:22 AM]

نڤیسینا : کاوار حەمید باڤی


عیراق ئێدی یا ژ بن دەستێ حکۆمەتا بەغدا دەردکەڤیت و هندەك گرۆپێن توندڕەو یێن لبن چەنگێ جیرانا یێن د پێکولێ دا کونترۆلا بەغدا و عیراقێ بگشتی بکەڤیت دەستان، راستە لبەری نوکە ژی ئەڤ گرۆپە د بالا دەست بوون، بەلێ جاران حکۆمەتێ رۆلێ خۆ هەبوو، نوکە هەر سەرۆك وەزیرێ لبن فەرمانێن وان گرۆپێن گرێدایی ئیرانێ نەبیت و وەکی ئەوان هزر نەکەتن دێ لـ دژی راوەستن، و ئەڤرۆ ملیشیاتێن بناڤێ (حزب اللە) یا عیراقی ب ئاشکرایی مەفرەزێن خۆ لـ بەغدا بەلاڤ کرینە بۆ هندێ سیخۆرێن ئەمریکا و سعودیێ لـ عیراقێ دەستەسەر بکەن و وەکی د وێنەیی دا دیار لسەر وێنەیێن سەرۆك وەزیرێن عیراقێ مستەفا کازمی نڤیساینە (نوکە دەمێ بڕینا گۆهێن وی یە)، ئەڤە نامەنە بۆ دژبەرێن ئیرانێ و ئەوێ د سەلمینن ئیران یا دەستهەلاتێ ل ئەڤان مێلیشیاتێن عیراقێ دکەتن. دبیت مستەفا کازمی ئێك ژ کارتێن ئەمریکا بوو ل عیراقێ، بەلێ پشتی وی ژی ئەمریکا نەشیایە د پێکولێن خۆ دا بسەرکەڤیت بۆ هندێ عیراقێ ژبن دەستێ ئیرانێ بینتە دەرێ و بەڕکێ ل عیراقێ ژ بن پێن ئیرانێ بکێشیت و ئێدی هندی دەم دبوریت دیار دبیت بالا دەستیا ئیرانێ یا ئاشکرا دبیت و ب تایبەت برێکا گرۆپێن شیعی یێن کو هندەك ژ ئەوان د فەرمی نە سەر ب دەولەتێ ڤە بەلێ لبن کونترۆل و فەرمانا ئیرانێ، ئەڤجا ئەڤە خاستنا ئەمریکا بیت یان ژی نەڤێت نوکە ئەوێ بکەتن و ب پاش بئێخیت ئەو بابەتەکێ دی یە، بەلێ د راستی دا ئیران بالا دەستە ل عیراقێ. عیراقێ بڕیارا هەلبژارتنان یا دایی، بەلێ هاتنە پاشئێخستن و هندەك د ئەوێ باوەرێ دابوون نەهێنە ئەنجامدان، بەلێ دا بۆ ئەڤێ حکۆمەتا نوکە لسەر دەستهەلاتێ نەمینیت و هەر هەلبژارتن بهێنە ئەنجامدان برێژەیا یاسایی ل پەرلەمانێ عیراقێ ئیمزا بۆ هەلوەشاندنا پەرلەمانێ عیراقێ خرڤەکرینە بۆ هندێ کو ببیتە فشارەك ل سەر حکۆمەتێ کۆ ژبلی ئەنجامدانا هەلبژارتنان چ رێکێن دی لبەر نەمینن. دگەل هندێ بزاڤێن ڕاستڤەکرنا دەستوری د بەردەوامن و پڕانیا گرۆپێن نێزیکی ئیرانێ ب نیازن هەر سیستەمێ فیدرالی نەمینیت و جارەکا دی بۆ عیراقەکا ئێکگرتی ڤەگەرینن و ئەگەر ب ئاشکرایی نەبیت ژی رۆلێ هەرێما و ب تایبەت هەرێما کوردستانێ کو تاکە هەرێمە ل عیراقێ نەمینیت و وەکی هەمی پارێزگەهێن دی سەرەدەری دگەل بهێتەکرن. ئایە دێ ئیران ب گرۆپێن خۆ ڤە بسەرکەڤیتن و دێ عیراق ڕادەستی ئیرانێ هێتەکرن و دەولەتێن زلهێز دێ دەستا ژێ شۆن وەکی ئەمریکا و سعودیێ... هتد یان دێ بەرهنگاری هێزێن ل بن فەرمانا ئیرانێ بن و ناهێلن عیراق ژی ببیت یەمەن و سوریا؟





ئەم هەواڵە 9079جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad