English | عربی | Kurdî دواهەواڵ
ڕاستەوخۆ  
 
دوو ماڵپەڕی حزبوڵڵای عێراق له‌لایه‌ن ئه‌مه‌ریكاوه‌ داخران
2021-03-27 [07:44 AM]

ZNA - هه‌ولێر


 

وەزارەتی دادی ئەمەریکا ڕایگەیاند وڵاتەکەی بەپـێی یاسا دوو ماڵپەڕی حزبوڵڵای عێراقی داخست کە گروپێـکی چەکدارە و لە لیستی ڕێکخراوە تێرۆرستیـیەکاندایە.

وەزارەتەکە لەسەر ماڵپەڕەکەی نووسیویەتی هەردوو ماڵپەڕی Almaalomah.com و r-m-n.net داخران و ناونیشانەکانیان دەستیان بەسەرداگیرا.

ڕاج پاریک بریکاری داواکاری گشتی ئەمەریکا لە ناوچەی ڕۆژهەڵاتی ڤێرجینیا لەم بارەیەوە وتی نابێت ئنتەرنێت لەلایەن ڕێکخراوە تێرۆرستیـیەکانەوە بەکاربهێنرێت وەک ئامرازێک بۆ بە تێرۆرستکردنی خەڵکی و بانگەشەکردن بۆ توندوتیژی و بڵاوکردنەوەی وتاری ڕق و کینە.

کەڤن کورلاند، بەرپـرسی جێبەجێکردنی یاسا لە ئۆفیسی پـیشەسازی و ئاسایش گوتی کارمەندانی دەزگاکەی هەموو ڕێوشوێنێک دەگرنەبەر بۆ پاراستنی هاوڵاتیانی ئەمەریکایی، بەوانەشی لە خزمەتی لەشکریدان. گوتیشی بەردەوام دەبن لە کارەکانیان بۆ ڕێگەگرتن لە ڕێکخراوە تێرۆرستیـیە بیانیـیەکانی وەکو حزبوڵڵا لەوەی زانست و تەکنەلۆجیا ئەمەریکا بەکاربهێنن بۆ زیان گەیاندن بە ئاسایشی نەتەوەیی ئەمەریکا.

جێی ئاماژەیە گروپی ناسراو بە " كتائب حزب الله" کە لەلایەن ئێرانەوە پاڵپشتی دەکرێت و لە عێراق چالاکە، لەوەتای ساڵی 2009 وە لە نێو لیستی ڕێکخراوە تێرۆرستیـیەکاندایە لە ئەمەریکا، ئەمەش پاش ئەوەی ئەم گروپە هێرشی چەکداری لە دژی هێزەکانی هاوپەیمانان و هێزە ئاسایشیـیەکانی عێراق ئەنجام دا.





ئەم هەواڵە 370جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad