English | عربی | Kurdî دواهەواڵ
ڕاستەوخۆ  
 
هەستیاری چاو لە وەرزی بەهار و گەشت و گوزاردا
2021-03-29 [12:04 PM]

ZNA ــ هەولێر


 

چەند جۆرێک لە هەستیاری هەیە کە تووشی چاو دەبێت، یەکێک لەو جۆرانە پێی دەڵێن هەستیاری چاو لە وەرزی بەهاردا .

 

ئەم جۆرە هەستیارییە زیاتر تووشی منداڵ و نەوجەوان دەبێت و زیاتر کوڕان تووش دەبن وەک لە کچان .

نیشانەکانی :

نەخۆش یەکێک یان کۆمەڵێک لەم نیشانانەی دەبێت بەگوێرەی توندی حاڵەتەکەی .

1- خوران و سووربوونەوەی چاوەکان.

2- ئاو کردنی چاو.

3- هەستیاری بۆ ڕووناکی بەجۆرێک نەخۆش بە زەحمەت دەتوانێت چاوی هەڵبێنێت لەبەر ڕۆژ و ڕووناکی گڵۆپ.

4- نەخۆش هەندێک جار دەڵێت چاوم دەڵێی گرێی تێدایە .

5- تێکچوونی بینینی نەخۆش .

6-ئەستووربوونی پێڵوی چاو .

هۆکارەکان :

1- زۆر جار هۆکاری بۆ ماوەی ڕۆڵی هەیە و لەوانەیە لە باوانیدا نەخۆشی وەکو ڕەبۆ و هەستیاری پێست هەبێت .

2- لە وەرزی بەهاردا گوڵ و گوڵزار زۆر دەبێت ، تۆی ئەو گوڵانە هۆکارێکە بۆ زیادبوونی نەخۆشییەکە لە وەرزی بەهاردا .

چارەسەری :

1- ئەم نەخۆشییە بۆ خۆی لەگەڵ گەورە بووندا توندی کەم دەبێتەوە .

2- ئەو کەسانەی ئەم نەخۆشییەیان هەیە دەبێت خۆپارێزی بکەن .

3- شوشتنی چاو بە ئاوی سارد یان دانانی پارچەیەک بەفر لە ناو قوماشێکی خاوێن و دانانی لە سەر پێڵوی چاو .

4-بەکارهێنانی قەترەی پێویست لە ژێر رێنمایی پزیشکی چاو، بۆ هەندێک نەخۆش پێش ئەوەی تووش بێت دەتوانێت جۆرێک لە قەترەی تایبەت بەکاربهێنێت تا وەرزی بەهار تەواو دەبێت .

5-لە کاتی زۆر پێویست قەترەی کۆرتیزۆن بەکاردەهێنرێت بۆ کۆنتڕۆڵکردنی نەخۆشییەکە تەنها بۆ ماوەیەکی کەم و نابێت نەخۆش بۆ ماوەیەکی درێژ بەکاری بهێنێت چونکە دەبێتە هۆی تووشبوون بە ئاوی ڕەش و لەدەست دانی بینین .

6- بەکارهێنانی چاویلکەی ڕەش بۆ کەم کردنەوەی هەستیاری ڕۆژ و پاراستنی چاو.

 

 

دکتۆر احمد یحیی حسن

پزیشکی پسپۆڕی چاو

پسپۆڕی ورد لە ئاوی ڕەش





ئەم هەواڵە 406جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad