English | عربی | Kurdî دواهەواڵ
ڕاستەوخۆ  
 
فایزەر: ڤاکسینەکەی دژ بە کۆڤید-19 بۆ نەوجەوانانیش کاریگەرو سەلامەتە
2021-03-31 [02:34 AM]

ZNA - هه‌ولێر


 

ئه‌مڕۆ چوارشەممە کۆمپانیای دەرمانسازی فایزەر و بایۆنتێک ڕایانگەیاند، ڤاکسینەکەی کۆڤید-19 ی ئەوان بۆ نەوجەوانانیش کاریگەر و سەلامەت بووە و دژە تەنەکانی لە جەستەی نەوجەوانانی تەمەن 12 بۆ 15 ساڵیش بەهێز کردووە، ئەمەش ڕێگە خۆش دەکات تا هەوڵ بدەن لە ئەمەریکا بەکارهێنانی خێرای ڤاکسینەکە لە ماوەی چەند هەفتەی داهاتوودا پەسەند بکرێت.

کاربەدەستە باڵاکانی کۆمپانیاکە لە بەیاننامەیەکدا ڕایانگەیاندووە فایزەر هیوادارە بەر لە دەستپێکردنی ساڵی نوێی خۆێندن کوتانی نەوجاوانانی ئەو تەمەنە دیاری کراوەش دەستپێبکات.

لە ئێستادا ڤاکسینی فایزەر بۆ کەسانی تەمەن 16 ساڵ بەسەرەوە پەسەند کراوە. لێکۆڵینەوە نوێیەکە یەکەم بەڵگەی دەخاتە ڕوو کە چۆن ڤاکسینەکە بۆ نەوجەوانانییش کاریگەری دەبێت.

کۆمپانیاکە لە بەیاننامەکەیدا دەڵێت لە تاقیکردنەوەکاندا کە 2،260 نەوجەوانی تەمەن 12 بۆ 15 ساڵان بەشدار بوون 18 کەس لەو گروپەی کە ڤاکسینە ناڕاستەکەیان لێدرابوو توشی کۆڤید 19 بوون بەڵام ئەوانەی ڤاکسینە ڕاستەکەیان لێدرابووکەسیان توشی ڤایرۆسەکە نەبوون. ئەمەش وای کرد ئەنجامی تاقیکردنەوەی ڤاکسینەکە بۆ نەوجەوانان 100% کاریگەر بێت.

 

voa





ئەم هەواڵە 325جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad