English | عربی | Kurdî دواهەواڵ
ڕاستەوخۆ  
 
ژمارەیەک وڵات پێدانی ڤاکسینی ئەسترازێنیکا بۆ کەسانی خوار 60 ساڵ رادەگرن
2021-04-04 [09:23 AM]

ZNA ــ هەولێر


 

 

ئەسترازێنیکا، ئەو ڤاکسینەی سەرەتا وەکو فریادڕەس ناسێندرا، ئێستا لای هەندێک کەس بووەتە ڤاکسینێکی گوماناوی، بەتایبەتی دوای ئەوەی دەنگۆ بڵاوبووەوە ژمارەیەک خەڵک دوای بەکارهێنانی ڤاکسینە بەریتانی- سوێدییەکە تووشی جەڵتەی مێشک بوون و گیانیان لەدەستداوە.

 

پرسیارە گەورەکە لای خەڵک ئەوەیە، ئەم مردنانە بەهۆی ئەسترازێنیکاوە روویانداوە؟ ئەگەر بەهۆی ئەسترازێنیکاوەیە، ڤاکسینەکە ئەوەندە دەهێنێ بەردەوامبێ؟

 

ئاژانسی دەرمانی ئەوروپا کە پەسندکردنی ئەسترازێنیکا بە تاقیگەکانیدا تێپەڕیوە، دەڵێت: هیچ بەڵگەیەکیان دەستنەکەوتووە ئەو خوێن مەین و مردنە بەهۆی ڤاکسینی کۆرۆناوە روویاندابێت، بەڵام ئەوەش دەڵێت کە لەوبوارەدا هیچ شتێک مەحاڵ نییە و لێکۆڵینەوەکانیان لەوبارەیەوە وەگەڕخستوون.

 

ئیمەر کۆک، بەڕێوەبەری جێبەجێکاری ئاژانسی دەرمانی ئەوروپا ئاماژە بەوە دەکات، "پەیوەندی ئەو کەیسانە بە ڤاکسینەکەوە نەسەلمێندراوە، بەڵام رێیشی تێدەچێت و شیکاری زیاتر لەمبارەوەیەوە بەردەوامن. بەگوێرەی زانیاریی زانستیی هەنووکەیی، هیچ بەڵگەیەک نییە پاڵپشتی لە سنووردارکردنی بەکارهێنانی ڤاکسینەکە بۆ خەڵکی بکات."

 

ئاژانسی چاودێریی دەرمانی بەریتانیا ناسراو بە (MHRA) دەڵێت: لە 18.1 ملیۆن کەس کە ڤاکسینی ئەسترازێنیکایان وەرگرتووە، 30 کەسیان تووشی خوێنمەیین بوونەتەوە و حەوت کەسیان گیانیان لەدەستداوە.

 

ئاژانسەکە ئاماژە بەوە دەکات کە هیچ بەڵگەیەک نییە بیسەلمێنێت ڤاکسینی ئەسترازێنیکا پەیوەندی بەو خوێن مەینەوە هەبێت، دەشڵێت سوودی ڤاکسینەکە لە زیانەکانی زیاترن.

 

چەند کەیسێکی مردن و خوێن مەیین لەنێو سەدان ملیۆن کەس لە سەرتاسەری جیهان کە ڤاکسینی ئەسترازێنیکایان وەرگرتووە کە هۆکارەکەی پشتڕاستنەکراوەتەوە، هەندێ وڵاتی ناچارکرد بۆ ماوەیەکی کاتی ڤاکسینەکە بۆ کەسانی خوار تەمەن 60 ساڵ رابگرێت.

 

دیلیک کالایسی، وەزیری تەندروستیی هەرێمی بەرلین ئاماژە بەوە دەکات، "وەکو پێشگیرییەک ڤاکسینی ئەسترازێنیکا بۆ کەسانی خوار تەمەن 60 ساڵ دەوەستێنین، مانای وایە لە سەنتەرەکانی ڤاکسین لە تیگیل و تیمپێلهۆف، ڤاکسین بۆ کەسانی خوار 60 ساڵ بۆ ئێستا دەوەستێنین."

 

سەرەڕای ئەو گومانانە، سەرەتای هەفتە لە ئیسپانیا دەرگەی دواوەی بارهەڵگرەکان کرانەوە، ڤاکسینی زیاتری ئەسترازێنیکا هێنرایە خوارەوە. چەندین وڵاتی دیکە بەردەوامدەبن لە بەکارهێنانی ڤاکسینی ئەسترازێنیکا لەسەر قسەی رێکخراوی تەندروستیی جیهانی کە دەڵێت ڤاکسینەکە "سەلامەتە".





ئەم هەواڵە 298جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad